Komisioni Evropian ka miratuar përdorimin e vaksinës së lisë kundër lisë së majmunëve, pasi Organizata Botërore e Shëndetësisë e shpalli linë e majmunëve emergjencë shëndetësore globale, tha prodhuesi i ilaçeve nga Danimarka.

“Komisioni Evropian ka zgjatur autorizimin e vaksinës së kompanisë për linë, Imvanex, për ta përfshirë në mbrojtjen kundër lisë së majmunëve”, në linjë me rekomandimin e vëzhguesit shëndetësor të BE-së, tha kompania Bavarian Nordic.

“Miratimi vlen për të gjitha shtetet anëtare të Bashkimit Evropian si dhe në Islandë, Litenshtajn dhe Norvegji”, tha kompania.

Të shtunën, më 23 shkurt, OBSH-ja e shpalli linë e majmunëve emergjencë shëndetësore globale. Nga lia e majmunëve deri më tani janë prekur 16.000 persona në 72 shtete të botës. Në BE që prej vitit 2013 vaksina Imvanex ka marrë miratimin për përdorim kundër lisë.

Edhe më herët ishte shqyrtuar përdorimi i vaksinës kundër lisë për shkak të ngjashmërisë së virusëve që shkaktojnë linë dhe linë e majmunëve.

Lia e majmunëve është më pak e rrezikshme dhe më pak e infektuese sesa lia, e cila u zhduk më 1980.

Simptomat e lisë së majmunëve janë temperatura, kokëdhimbja, dhimbja e muskujve dhe shpinës. Simptomat zgjasin për pesë ditë.Po ashtu, personat e prekur kanë skuqje në fytyrë, duar dhe këmbë, si dhe puçrra.

Shpërthimi i ri me linë e majmunëve u raportua në fillim të majit në shtetet e Afrikës Qendrore dhe Perëndimore, ku kjo sëmundje për një kohë të gjatë ka qenë epidemi./rel

Leave a Reply

Your email address will not be published. Required fields are marked *

You May Also Like

Jo ekstradim por hetim ndërkombëtar

Pas dekleratave të Ramush Haradinaj lidhur me ekstradimin e mundshëm te Grupit…

Dhoma e Përfaqësuesve do të hapë hetim për gjykimin e Bidenit

Kryetari i Dhomës së Përfaqësuesve, Kevin McCarthy, tha më 12 shtator se…

Kaya: Në Kahramanmaras kanë vdekur 70 shqiptarë

70 shqiptarë kanë vdekur si pasojë e tërmetit katastrofik në Kahramanmaras të…

Në Gjermani kanë frikë se kush mund ta zëvendësojë presidentin aktual rus – përmenden tre emra që janë ‘më të këqij’ se Putini

Një anëtar i parlamentit federal të Gjermanisë ka thënë të mërkurën se…

LVV tregon gjashtë operacionet e suksesshme ndaj krimit të organizuar dhe korrupsionit

Lëvizja Vetëvendosje ka numëruar gjashtë aksionet e suksesshme të institucioneve të vendit…