Shtetet e Bashkimit Evropian deri më tani ka ngrirë asete ruse në vlerë prej 13.8 miliardë dollarësh qëkur Rusia nisi pushtimin e Ukrainës, tha Komisionari i BE-së për Drejtësi, Didier Reynders.

“Për momentin, ne kemi ngrirë – asete të oligarkëve dhe entiteteve të tjera – 13.8 miliardë euro [13.8 miliardë dollarë], pra një shumë mjaft të madhe”, tha Reynders për gazetarët në Pragë më 12 korrik para takimit joformal të ministrave të Drejtësisë.

“Por, më duhet të them se një pjesë e madhe e kësaj shume, mbi 12 miliardë… vjen nga pesë shtete anëtare”, shtoi ai.

Ai nuk tregoi se cilat ishin këto pesë shtete anëtare, por u bëri thirrje anëtarëve të BE-së që të rrisin përpjekjet për të identifikuar dhe ngrirë asetet që bien mbi juridiksionin e tyre.

Ministri gjerman i Financave, Christian Lindner, tha se vlera e aseteve të ngrira ruse në shtetin e tij deri në mesin e qershorit ishte 4.48 miliardë euro.

Ministri ukrainas i Drejtësisë, Denys Maliuska, përsëriti thirrjet e Kievit se asetet duhet të përdoren për të ofruar kompensime për dëmet e luftës, që janë kryer nga forcat ruse.

“Aktualisht, ajo janë të mbrojtura nga imuniteti sovran, por ne mendojmë se asetet e shtetit që nisi luftën, kreu agresion, nuk duhet të mbrohen nga imuniteti sovran”, tha ai në Pragë.

“Ne po vuajmë nga humbjet ekonomike, dhe nuk ka kuptim që këto humbje të mbulohen nga taksapaguesit ukrainas apo evropianë”, shtoi Maliuska./Rel

Leave a Reply

Your email address will not be published.

You May Also Like

​Vritet në Ukrainë mercenari serb prorus, kishte vizituar edhe Mitrovicën

Në Lugansk të Ukrainës është vrarë serbi Stefan Dimitrijeviq, mercenar prorus në…

Shërbimi sekret malazez: Abazoviqi kërcënohet nga një klan mafioz rajonal

Zëvendëskryeministri i Malit të Zi, shqiptari Dritan Abazoviç, është vënë nën ruajtje…

Geer për Qeverinë e RVM-së: Të mos keqpërdoret flamuri evropian

“Raporti i Komisionit Evropian për përparimin e vendit i përmbush kushtet për…

Policia e Kosovës arreston një serb i cili ishte në kërkim ndërkombëtar, pritet ekstradimi i tij

Policia e Kosovës ka arrestuar dje një serb i cili ishte në…

“Boll më”: Shqiptarët po plaçkiten, paguajnë 5 herë fatura më të shtrenjta të rrymës se të tjerët (VIDEO)

Aktivistët e organizatës qytetare “Boll më” kanë akuzuar ndërmarrjen EVN, MEPSO dhe…