Normat e interesit në eurozonë nuk do të rriten deri në vitin e ardhshëm. Banka Qendrore Evropiane është duke u ofruar bankave kredi të lira për të ndihmuar në ringjalljen e ekonomisë. Këto lëvizje të papritura erdhën pasi banka bëri parashikimet e saj për rritjen dhe inflacionin këtë vit. Banka qendrore tha se normat do të mbeteshin në nivelet e tyre të tanishme “të paktën deri në fund të vitit 2019” . Mario Draghi, kryetar i BQE, tha se të dhënat ekonomike treguan një “moderim të konsiderueshëm” në rritje.

Ai tha se rritja ekonomike në eurozonë tani pritet të jetë 1.1% këtë vit, krahasuar me një parashikim të mëparshëm prej 1.7%. Inflacioni pritet të jetë 1.2%, nga një parashikim i mëparshëm prej 1.6%. “Ne jemi në një periudhë të vazhdueshme rënieje dhe pasigurie. Perspektiva afatshkurtër e rritjes do të jetë më e dobët se sa parashikohej më parë,” tha zoti Draghi.

Vendimi i tij për të rritur normat ndjek lëvizje të ngjashme me ato të bankave qendrore në mbarë botën, duke përfshirë Rezervën Federale të SHBA dhe Bankën e Anglisë. Z.Draghi gjithashtu vuri në dukje ndikimin e luftërave tregtare dhe faktorëve të tjerë.

“Rreziqet që rrethojnë perspektivën e rritjes së zonës së euros lidhen me paqëndrueshmërinë që shkaktohet nga faktorët gjeopolitikë, dhe dobësitë e tregjeve në zhvillim“, tha zoti Draghi.

Andrew Kenningham, ekonomisti kryesor i Europës në Capital Economics, tha se udhëzimet për rritjen e normës së ardhshme dhe financimet për bankat ishin “më akomoduese sesa parashikimet e tregjeve. “Sidoqoftë, ne dyshojmë se masat e reja do të jenë të mjaftueshme për të përmbysur ngadalësimin ekonomik”, thekson ai.

Leave a Reply

Your email address will not be published.

You May Also Like

Vladimir Putin shkon në funeral me valixhen e dyshimtë

Presidenti i Rusisë Vladimir Putin është filmuar duke shkuar në një funeral…

OKB: Një milion refugjatë janë larguar nga Ukraina brenda një jave

Një milion refugjatë janë larguar nga Ukraina që nga fillimi i pushtimit…

400-vjetori i fillimit të skllavërisë në Amerikë

Muaji gusht i këtij viti shënon 400 vjetorin e mbërritjes së skllevërve…

Finlanda dhe Estonia i bëjnë thirrje BE-së që të ndalojë vizat turistike për rusët

Udhëheqësit e Estonisë dhe Finlandës duan që vendet e tjera të Bashkimit…

OKB-ja dëshiron ta kufizojë shpejtësinë e veturave deri në 100 km/h

Dokumenti i ri i Kombeve të Bashkuara njeh lëvizshmërinë si një të…