Autoblinda “Vuran 4×4”, e pajisur me mortajë dhe e zhvilluar me bashkëpunimin e kompanive të industrisë turke të mbrojtjes do të eksportohet për herë të parë në Kosovë.

Mësohet se autoblinda tip “Vuran 4×4” është prodhuar nga firma “BMC”, një prej prodhuesve të Turqisë për mjetet tokësore të blinduara. Automjeti i blinduar, i cili mund të përdoret për shumë qëllime, prej një kohe ndodhet në inventarin e forcave turke të sigurisë.

Për “Vuran 4×4” janë zhvilluar konfigurime të ndryshme për t’u përdorur sipas nevojave dhe aftësive operacionale të Forcave të Armatosura të Turqisë. Autoblinda e pajisur me mortajë “Vuran 4×4” është zhvilluar nga kompanitë “BMC” dhe “ASELSAN” dhe sot përdoret nga forcat turke të sigurisë.

Autoblinda “Vuran 4×4” u shndërruar në produkt nga inxhinierët turq, të cilët bashkuan dinamikat e përvojës luftarake të Forcave të Armatosura Turke me vizionin e industrisë turke të mbrojtjes. Me referencën e Forcave të Armatosura Turke, “Vuran 4×4” ka ngjallur një interes edhe jashtë vendit.

Lajmi për eksportimin e parë të “Vuran 4×4” ka ardhur nga Kosova. Firma “BMC”, e cila i ka shtuar një risi eksportit që ka kryer kohët e fundit drejt Ballkanit, realizoi shitjen e parë jashtë vendit të “Vuran 4×4” në kuadër të një marrëveshjeje të nënshkruar me Ministrinë e Mbrojtjes së Kosovës.

Në fazën e parë do të prodhohen dhe dorëzohen 2 mjete “Vuran 4×4”. Prodhimi i mjeteve do të bëhet në partneritet mes “BMC” dhe “ASELSAN”.

Në autoblindë do të integrohet sistemi i mortajës 120 milimetra “Alkar” i kompanisë “ASELSAN”. Ky sistem, i cili cilësohet si “bajoneta e re e ushtarëve turq”, me lëvizshmërinë dhe aftësinë e lartë të mbijetesës mund të kryejë detyra në kushte të vështira klimatike dhe gjeografike. (Anadolu Agency – AA)

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…