Një marrëveshje që synon të shmangë ndryshimet e rrezikshme klimatike është arritur në samitin COP26 në Glasgow.

Pakti i Glasgow për Klimën është marrëveshja e parë klimatike që planifikon në mënyrë eksplicite reduktimin e qymyrit, karburantin më të keq fosil për gazrat serrë.

Marrëveshja gjithashtu kërkon shkurtime më urgjente të emetimeve dhe premton më shumë para për vendet në zhvillim – për t’i ndihmuar ato të përshtaten me ndikimet klimatike.

Megjithatë, zotimet nuk shkojnë edhe aq larg sa të limitojnë rritjen 1.5 gradë Celcius të temperaturës.

Një zotim për të hequr gradualisht nga përdorimi qymyrin që ishte përfshirë në draftet e mëparshme të negociatave çoi në një përfundim dramatik pasi India e kundërshtoi atë.

Ministri i Klimës së Indisë, Bhupender Yadav, pyeti se si vendet në zhvillim mund të premtojnë se do të heqin gradualisht subvencionet e qymyrit dhe karburanteve fosile, kur ata “duhet të merren ende me agjendat e tyre të zhvillimit dhe çrrënjosjen e varfërisë”.

Në fund, vendet ranë dakord të “ulin gradualisht” dhe jo “të heqin gradualisht” qymyrin në mes të zhgënjimeve nga disa, shkruan BBC.

Presidenti i COP26, Alok Sharma tha se i vinte “thellësisht keq” për mënyrën se si kishin rrjedhur ngjarjet. Por ai tha se ishte jetike për të mbrojtur marrëveshjen në tërësi.

Leave a Reply

Your email address will not be published.

You May Also Like

Ukraina arreston 127 sabotues në Kiev

Forcat ukrainase në Kiev kanë arrestuar 127 sabotues, përfshirë 14 grupe infiltrimi,…

BE sanksione 31 zyrtarëve Bjellorus, ‘shpëton’ Lukashenko

Bashkimi Evropian synon të vendosë sanksione ekonomike ndaj 31 zyrtarëve të lartë…

Osmani nga Turqia: Pavarësia realitet i pakthyeshëm

Presidentja e Kosovës, Vjosa Osmani, gjatë qëndrimit në Turqi për samitin vjetor…

E bën sërish Kim Jong-un, Koreja e Veriut shkrep raketë në prag të vizitës së zëvendëspresidentes amerikane në Seul

Koreja e Veriut ka lansuar një raketë balistike në det në afërsi…

Simmons: EULEX i dha Serbisë dosje për krimet e luftës

Ish-kryetari i gjykatësve të EULEX-it, Malcolm Simmons, po kërkon nga misioni i…