Nagip Arifi, kryetar i Partisë Demokratike dhe kryetar i komunës së Bujanocit ka shkruar se procesi i regjistrimit ka përfunduar dhe se komuna e Bujanocit numëron 54.498 banorë dhe 13.000 amvisëri,

Postimi i plotë në Facebook:

Të nderuar qytetarë të Bujanocit,

Të dashur shqiptarë të Luginës dhe më gjërë,

Ditën e djeshme, më 31 tetor 2022, ka përfunduar procesi i regjistrimit të popullësisë dhe amvisërive në Republikën e Serbisë. Shqiptarët për herë të parë pas regjistrimit të vitit 2001 iu përgjigjen thirrjes për regjistrim. Nga rezultatet preliminare që kemi siguruar mëngjesin e sotëm, Bujanoci numëron 54.498 banorë dhe 13.000 amvisëri, Presheva ka 59.024 banorë dhe 11.654 amvisëri, dhe Medvegja 8.459 banorë dhe 5899 amvisëri.

Këto shifra tregojnë se komuna e Bujanocit është komunë në rritje, ku në krahasim me regjistrimin e fundit të rregulltë në vitin 2001, ku komuna jonë ka pasur gjithsej 43.302, sot është rritur për më shumë se 11.000 banorë.

Për gjithë këtë sukses, fillimisht duhet të falemnderoj shefin e Misionit të OSBE-së në Serbi Jan Braathu, i cili ishte garantuesi më i madh që ky proces do të zhvillohet në frymën e standardeve europiane, i cili më pastaj më hapi rrugën që të marrë iniciativën për takime konsultative me përfaqësuesit e partive tjera politike shqiptare në Luginë për t’iu përgjigjur pozitivisht regjistrimit. Pas tri takimeve konsultative në kabinetin tim, më datë 25 korrik 2022, nënshkruam deklaratën e përbashkët për të marrë pjesë në regjistrimin e popullësisë.

Vendimi për të dalë në këtë regjistrim nuk ishte i lehtë, pas bojkotit të vitit 2011, por në fund doli të jetë i drejtë. I drejtë, sepse demantuam shifrat e regjistrimit 2011, ku shqiptarët llogariteshin rreth 5.800 shqiptarë në gjithë Serbinë. Tanimë duket qartë se numri i shqiptarëve është rreth 100.000.

Dhe, në fund, por jo më pak të rëndësishëm, falemnderoj të gjithë qytetarët që u regjistruan, grupën punuese pranë administratës komunale, instruktorët që udhëhoqën këtë proces, si dhe një falemnderim i posaçëm për të gjithë regjistruesit në terren, të cilët derë më derë trokitën përgjatë një muaji për të regjistruar çdo banorë dhe çdo shtëpi apo banesë.

Leave a Reply

Your email address will not be published. Required fields are marked *

You May Also Like

Vjen reagimi i BE-së rreth planit të Trumpit për Izraelin e Palestinën

Bashkimi Europian ripohoi angazhimin e tij të fortë në favor të një…

Pas shtatë orësh përfundon vizita e prindërve të Thaçit në Hagë

Pas afro shtatë orësh ka përfunduar vizita e Haxhi dhe Hyrë Thaçit…

India, vatra më e nxehtë globale e Covid-19

Vaksina ruse, efekte të lehta anësore tek 14% e të testuarve India…

VIDEO / Alajdin Demiri vs Muhamed Zeqiri

Rrjeteve sociale po qarkullon një pjesë e emisionit debativ të TV 21…

Martti Ahtisaari në gjendje të rëndë nga Covid-19

Ish-presidenti i Finlandës, fituesi i Çmimit Nobel për Paqe dhe shpeshherë i…