Revansh pas finales së humbur në Europianin e fundit
Anglia e nisi me fitore fazën kualifikuese të Euro 2024, duke triumfuar 2 – 1 ndaj Italisë të enjten në Napoli. Një hakmarrje e anglezëve pas finales së Europianit të humbur në 2021 në Londër pikërisht ndaj Italianëve.
Anglia shënoi 2 herë në pjesën e parë dhe pavarësisht përpjekjeve Italia realizoi vetëm 1 gol i pamjaftueshëm për të kthyer rezultatin.
Cristiano Ronaldo shënoi 2 gola në ndeshjen e tij të 197 me Portugalinë, një rekord për një futbollist me ekipet përfaqësuese. Portugezët mundën 4 – 0 Lihtenshtejnin.
