Një analist i pavarur i mbrojtjes ka thënë për Sky News se “gjithçka që po ndodhë çon drejt përfshirjes së Bjellorusisë në luftë në të ardhmen”.

Konrad Muzyka i përshkroi forcat bjelloruse si “një mister”, por shtoi se forcat e rregullta ishin trajnuar praktikisht pa ndërprerje që nga prilli dhe së fundmi ata kishin përditësuar të dhënat për rezervat e tyre.

Analisti polak i mbrojtjes tha: “Intensiteti dhe shtrirja e aktivitetit ushtarak që bjellorusët kanë ndërmarrë ka qenë më i larti që nga fundi i Luftës së Ftohtë”.

“Ne kurrë nuk i kemi parë forcat bjelloruse të stërviten kaq shumë. Që nga fundi i prillit, ata në thelb kanë praktikuar çdo aftësi ushtarake që do të nevojitej që Bjellorusia t’i bashkohej luftës”.

“Ata kanë testuar edhe kapacitetin mobilizues, së fundmi kanë njoftuar se kanë përfunduar përditësimin e të dhënave për të gjithë rezervistët bjellorusë”.

“Kjo do të thotë se sistemi rezervë tani është gati për mobilizim. Ajo që na duhet tani është një vendim politik për të filluar mobilizimin dhe për të shkuar në luftë”.

“Nëse kjo do të ndodhë apo jo, ne nuk e dimë, sepse nuk kemi njohuri se çfarë po mendon [presidenti bjellorus] Alexander Lukashenko. Por gjithçka tregon se Bjellorusia do t’i bashkohet luftës diku në të ardhmen”.

Ai shpjegoi se aktualisht janë midis 10,000 dhe 15,000 trupa ruse të stacionuara aktualisht në këtë vend dhe ata kanë qenë rregullisht duke u trajnuar së bashku me forcat bjelloruse.

Megjithatë, ai vazhdoi duke sugjeruar se ndonjë përfshirje e mundshme nuk kishte gjasa të ishte e menjëhershme.

“Deri më tani këto aktivitete janë të kufizuara në poligonet e stërvitjes dhe ne nuk kemi parë asnjë tregues që forcat, qoftë ruse apo bjelloruse, janë duke u zhvendosur në rajonet në kufi me Ukrainën”. 

Leave a Reply

Your email address will not be published. Required fields are marked *

You May Also Like

Kurti: Kosova ka nevojë për rilegjitimim të institucioneve përmes zgjedhjeve të reja

Kreu i Lëvizjes Vetëvendosje, Albin Kurti, ka deklaruar se Kosova ka nevojë…

“Shqipëria hapet totalisht në 1 qershor”

Shqipëria do të hapet plotësisht në 1 qershor, pa masa kufizuese anti-COVID,…

Tërmeti i fortë shkaktoi çarjen e tokës, njerëzit dalin në rrugë të frikësuar

Një tërmet me madhësi 6 ballë ka goditur shtetin e thyer të…

Pse nuk po hapet pika kufitare Stançiq-Bellanoc? Flasin zyrtarët e MPB-së në Kosovë

Shkruan: Arbër Jashari, gazeta Express Zëvendësministri në detyrë i Punëve të Brendshme…

SHBA-ja ende e hapur për diplomaci, por nuk ka rrugë nëse Rusia nuk tërheq forcat

Shtetet e Bashkuara “do të mbështesin përpjekjet diplomatike” të Kievit për të…