Zëvendëskryeministri i Malit të Zi Dritan Abazoviq e konfirmoi se udhëheqësi i supozuar i klanit kriminel Kavaçki, Sllobodan Kashçelan është arrestuar dhe vlerësoi se ky është suksesi më i madh i policisë malazeze në dhjetë vitet e fundit.

Siç lajmëroi RTCG, Abazoviq e mirëpriti veprimin e policisë dhe tha se ishte suksesi më i madh, sepse, siç theksoi ai, këto janë grupe kriminale që kanë rëndësi rajonale.

“Dora e drejtësisë është nisur”, tha Abazoviq pas një konference të Këshillit Kombëtar për Luftimin e Korrupsionit të Nivelit të Lartë.

Ai pretendon se Mali i Zi, nëse nuk ka pengesa, do të luftojë krimin e organizuar.

“Ne u premtuam qytetarëve se mafia nuk do të sundonte Malin e Zi dhe kjo është ajo që po ndodh”, tha Abazoviq.

Ai rikujtoi se Qeveria e re ka premtuar se lufta kundër krimit të organizuar do të jetë përparësi.

“Nuk do të doja të hyja në detaje sepse veprimi nuk ka mbaruar”, tha Abazoviq.

Ai gjithashtu theksoi se ky është vetëm fillimi, sepse, siç shtoi ai, “dora e drejtësisë deri më tani nuk ka arritur tek këta njerëz”.

“Veprimi do të vazhdojë në orët dhe ditët e ardhshme, ne do të kemi pamje më të qartë të domethënies së rastit”, tha Abazoviq.

Leave a Reply

Your email address will not be published.

You May Also Like

Ende janë aktivë disa zjarre në Maqedoninë e Veriut

Sipas të dhënave të Qendrës për Menaxhim me Kriza (QMK) deri në…

20-vjetori i Euros

Monedha e përbashkët i bashkoi edhe më tepër vendet e BE-së. Por…

Të shtëna me armë në Deçan, plagoset një person

Një person është plagosur nga arma e zjarrit pasditen e së premtes…

“Klani Zajazit” sulmohet nga BDI-ja (FOTO)

Pas sabotimit masiv të bisedave të përgjuara për kreun e BDI-së nëpër…

Sot mbahet seanca e radhës ndaj Haradinajt dhe Gucatit

Zyra e Prokurorit tё Specializuar tё Kosovёs njoftoi se sot në orën…