Të shpëtohet rajoni nga ndikimi rus dhe kinez
Kryeministri malazez në detyrë Dritan Abazoviç ka deklaruar nga SHBA-të pas takimit me presidentin amerikan se vetëm Biden mund ta shpëtojë Ballkanin Perëndimor nga ndikimi rus dhe kinez. Sipas Abazovic korrupsioni është gjenerues i nacionalizmit ne rajon.
“Mesazhi im për Biden ishte i thjeshtë. Presidenti amerikan duhet të vijoje qe te përdorë urdhra ekzekutivë për të sanksionuar politikanet e përfshirë në korrupsionin te nivelit të lartë në Ballkanin Perëndimor. Kjo është mënyra më e mirë dhe më e thjeshtë për presidentin Biden për të shpëtuar Ballkanin Perëndimor”, ka thënë Abazoviç.
Sipas Abazoviç nëse rajoni shkon në drejtim të nacionalizmit dhe konfliktit, do të bëhet një objektiv i lehtë për ndikimin rus e kinez.
“Pavarësisht ndikimit rus apo kinez, nëse Biden mendon se ndikimi i huaj duhet të parandalohet, ai duhet të sanksionojë njerëzit e korruptuar. Kjo do të mjaftonte për të ndaluar aktorët politikë që duan qe te destabilizojnë Malin e Zi dhe rajonin”, ka shprehur ai.
I pyetur për sulmet kibernetike në infrastrukturën dixhitale të qeverisë Abazovic tha se nuk beson se diçka ndodhi rastësisht pas votimit të mosbesimit ndersa dyshohet se pas tij janë hakerat ruse.
