Presidenti ukrainas Volodymyr Zelensky ka kritikuar hezitimin e Gjermanisë për të miratuar dërgimin e tankeve, pasi sipas tij “nuk është një strategji e mirë”.

“Ka raste kur nuk duhet hezituar apo krahasuar, kur dikush thotë ‘unë do të dorëzoj tanke nëse dikush tjetër e bën këtë’”, tha Zelensky si pjesëmarrës në një video-konferencë të mbajtur në Forumin Ekonomik Botëror në Davos.

Ai komentoi raportet e mediave se Berlini është i gatshëm të miratojë dorëzimin e tankeve Leopard, nëse Shtetet e Bashkuara pranojnë të dorëzojnë tanke të avancuara Abrams.

Sipas burimeve amerikane, Uashingtoni duhet të miratojë mjetet e blinduara Stryker në Ukrainë, por nuk është në për dërgimin e tankeve të veta, përfshirë M1 Abrams.

“Unë nuk mendoj se është një strategji e mirë. Qëllimi ynë është të çlirojmë të gjithë territorin. Ukraina do ta kthejë gadishullin e Krimesë, që u aneksua nga Rusia në vitin 2014”, tha më tej Zelensky.

Ai u bëri thirrje partnerëve perëndimorë që t’i dërgojnë më shumë armë.

“Krimea është toka jonë, territori ynë, deti dhe malet tona. Na jepni armë dhe ne do t’i kthejmë tokat tona” theksoi presidenti ukrainas.

Aleatët perëndimorë do të takohen në një bazë ajrore amerikane në Gjermani të premten, për t’i ofruar më shumë armë Ukrainës.

“Dorëzimi i tankeve dhe i mbrojtjes kundërajrore duhet të bëhet sa më shpejt të jetë e mundur. Nuk kemi kohë, bota nuk ka kohë”, paralajmëroi Zelensky.

Fokusi është veçanërisht në Gjermani, e cila ka të drejtën e vetos mbi çdo vendim për të dërguar tanke Leopard, të cilat ndodhen në të gjithë Evropën në vendet anëtare të NATO-s, dhe konsiderohen si më të përshtatshmet për Ukrainën.

Presidenti polak Andrzej Duda u tha të pranishmëve në Davos të mërkurën, se ka frikë se Rusia po përgatit një ofensivë të re në Ukrainë brenda disa muajsh, dhe se për këtë arsye është thelbësore t’i ofrohet mbështetje shtesë qeverisë në Kiev me tanke dhe raketa moderne.

Polonia dhe Finlanda kanë thënë tashmë se do të dërgojnë tanke Leopard nëse Gjermania i miraton ato.

Leave a Reply

Your email address will not be published. Required fields are marked *

You May Also Like

Policia italiane ia konfiskon “arkitektit” të Putinit 141 milionë euro

Policia Financiare i ka konfiskuar pasurinë Lanfranco Cirillos, biznesmenit i cili njihet…

Projektligji për asistencën dhe buxhetin në pritje të firmës së Trump

Presidenti amerikan Donald Trump po e kalon fundjavën e festës në pronën…

Lavrov: Ekziston rreziku real i një Lufte të Tretë botërore

Ministri i Jashtëm rus Sergei Lavrov ka paralajmëruar mbrëmjen e së hënës…

Smith: Automjetet e lëna nga holandezët në Bosnjë, serbët i përdorën në Prekaz

Gazetari britanik Vaughan Smith, i cili gjatë luftës në Kosovë xhiroi luftimet…

Borrell i shkruan Kurtit, shprehet mirënjohës për takimet në Bruksel

Shefi i diplomacisë evropiane, Josep Borrell, i ka shkruar kryeministrit të Kosovës…