Kryetarja e Komisionit Evropian (KE), Ursula von der Leyen do të arrijë sot për vizitë në Republikën e Maqedonisë së Veriut.

Siç është paralajmëruar, Von der Leyen do të pritet nga kryetari i shtetit, Stevo Pendarovski dhe do të ketë takime me kryetarin e Qeverisë së Republikës së Maqedonisë së Veriut, Dimitar Kovaçevski dhe me kryetarin e Kuvendit, Talat Xhaferi.

Kryetarja e KE-së, gjatë vizitës së saj në Shkup, sot do t’i drejtohet Kuvendit të Republikës së Maqedonisë së Veriut, në kuadër të seancës plenare të 80-të, me fillim nga ora 13:00.

Në seancë janë ftuar edhe përfaqësues të trupit diplomatik, të cilët do të mund të ndjekin fjalimin e kryetares së KE-së.

Para seancës parlamentare, njoftoi shërbimi për media i Kuvendit, në sallën “Dlaborez” është caktuar takimi i kryetares së KE-së me kryetarin e Kuvendit, Talat Xhaferi.

Pas përfundimit të seancës së 80-të, është caktuar seanca e re e 81-të, me fillim nga ora 13:30, në rend dite të së cilës është Informata për përmbajtjen e Propozim – Kornizës negociuese për negociatat për anëtarësim të Republikës së Maqedonisë së Veriut në Bashkimin Evropian, i propozuar nga presidenca e Francës me Këshillin e Bashkimit Evropian më 30 qershor 2022.

Leave a Reply

Your email address will not be published.

You May Also Like

Trifonov: Do t’i heqim veton Shkupit nëse SHBA-ja i heq vizat

Një nga liderët e koalicionit qeveritar në Bullgari, Slavi Trifunov, i partisë…

Mijallkov nuk u paraqit në gjyq, thotë se ka probleme me lukthin

Ish-shefi i policisë sekrete Sasho Mijalkov nuk u paraqit sot në seancën…

Të paktën 9 të vdekur pas një shpërthimi të fuqishëm në një hotel të Kubës

Të paktën nëntë persona kanë mbetur të vdekur të premten, pasi një…

Ish kryeprokurorja speciale Janeva, nga burgu i Shutkës përfundon në spital

Ish-prokurorja speciale, Katica Janeva për shkak të gjendjes së vazhdueshme të rënduar…

Qeveria propozon vazhdimin e gjendjes së krizës për 6 muaj

Qeveria do të dorëzojë në Kuvend Propozim-vendim për vazhdimin e afatit të…