Për të dyshuarën me origjinë siriane Ahlam Albashir e cila është përcaktuar se ka lënë bombën në vendin e ngjarjes në bulevardin Beyoğlu Istiklal në Istanbul, thuhet se urdhrin e sulmit ajo e ka marrë nga qendra e organizatës terroriste PKK/PYD/YPG në Kobani të Sirisë, transmeton Anadolu Agency (AA).

Në një deklaratë nga Drejtoria e Policisë së Istanbulit thuhet se është kryer një punim lidhur me sulmin terrorist me bombë që ndodhi dje në bulevardin Istiklal në zonën Taksim të Istanbulit.

Në deklaratë bëhet e ditur se janë ekzaminuar 1.200 kamera sigurie që shikojnë destinacionet e ardhjes dhe largimit të gruas së dyshuar për vendosjen e bombës në vendin e ngjarjes dhe se gjatë kësaj është përcaktuar që personi në fjalë është larguar nga vendi i ngjarjes me një taksi dhe ka shkuar në rajonin Esenler.

“Në operacionin e ndërmarrë janë kapur dhe ndaluar 46 persona ndërsa në marrjen në pyetje të peronave u përcaktua se personi që vendosi bombën ndodhej në një adresë në rajonin Küçükçekmece. Në adresën e përcaktuar u krye një operacion në orën 02:50 dhe u kap e gjallë personi (grua) Ahlam Albashir me origjinë siriane. Gjatë marrjes në pyetje ajo ka deklaruar se është përgatitur nga organizata terroriste PKK/PYD/YPG si element i inteligjencës speciale dhe se në vend ka hyrë nga rajoni sirian Afrin nëpërmjet rrugëve ilegale për të kryer aktin”, thuhet në deklaratë.

Më tej në deklaratën theksohet se “Ajo ndër të tjera ka deklaruar se për aktin në Istanbul ka marrë urdhër nga qendra e organizatës terroriste PKK/PYD/YPG në Kobani të Sirisë dhe se pas kryerjes së sulmit me bombë më 13 nëntor rreth orës 16:20 sipas kohës lokale ajo është larguar. Punimet e filluara lidhur me ngjarjen vazhdojnë me shumë drejtime”.

Drejtoria e Policisë thekson se në kuadër të punimeve fizike dhe teknike janë ndërmarrë operacione në 21 adresa që janë përcaktuar se kanë pasur kontakt me personin në fjalë.

Ndërkohë bëhet e ditur se në polici vazhdojnë procedurat për terroristen.

Leave a Reply

Your email address will not be published. Required fields are marked *

You May Also Like

Komisioni për Legjislacion miraton Projektligjin që lejon gjykimin në mungesë të krimeve të luftës

Komisioni për Legjislacion ka miratuar Projektligjin për plotësim-ndryshimin e Kodit të Procedurës…

Franca kërkon zbatimin e të gjitha marrëveshjeve të Brukselit mes Kosovës e Serbisë

Presidenti i Senatit francez, Gerard Larcher, ka thënë se të gjitha marrëveshjet…

Aksioni “Pika”, 47 zyrtarë policorë të arrestuar

47 zyrtarë policorë janë arrestuar gjatë operacionit “Pika” në Gjakovë e Prizren.…

Ukrainasit tashmë marrin nën kontroll të gjithë rajonin e Kievit

Trupat ukrainase rimarrin kontrollin e të gjithë territorit të rajonit të Kievit…

Kërkohet që Kosova të bëhet anëtare e Këshillit të Evropës

Themeluesi dhe kryesuesi i Iniciativës Evropiane për Stabilitet, Gerald Knaus ka thënë…