Presidenti i Shteteve të Bashkuara, Joe Biden dhe homologu i tij rus, Vladimir Putin më 7 dhjetor do të zhvillojnë një bisedë përmes video-lidhjes, për të diskutuar për Ukrainën dhe tema të tjera, konfirmuan nga Shtëpia e Bardhë dhe Kremlini.

Ky takim virtual vjen në kohën e rritjes së shqetësimeve ndërkombëtare lidhur me synimet e Moskës teksa NATO-ja dhe ushtritë perëndimore, si dhe zyrtarët e inteligjencës, thonë se ka një grumbullim të madh të ushtrisë ruse pranë kufirit me Ukrainën.

Uashingtoni dhe Kievi thonë se Moska ka grumbulluar dhjetëra-mijëra trupa, së bashku me tanke dhe artileri në perëndim të Rusisë dhe mund të planifikojë një ofensivë në fillim të janarit.

Agjencia Reuters ka cituar zyrtarë të administratës amerikane të cilët kanë thënë se presidenti Biden planifikon që të shprehë shqetësimet e SHBA-së lidhur me aktivitetin ushtarak të Rusisë dhe do të theksojë mbështetjen e Uashingtonit për sovranitetin dhe integritetin territorial të Ukrainës.

Më 2 dhjetor, Bideni tha se po punon në një sërë iniciativash që ta bëjë “shumë, shumë të vështirë” për Putinin që të përshkallëzojë ushtarakisht kundër Ukrainës.

Që shtatë vjet, Ukraina po zhvillon një luftë në lindje të vendit kundër separatistëve të mbështetur nga Rusia, që prej se Rusia aneksoi gadishullin ukrainas të Krimesë më 2014.

Një zyrtar i paidentifikuar i Shtëpisë së Bardhë tha se Bideni dhe Putini po ashtu do të diskutojnë për një sërë temash të tjera.

Rusia i ofron mbështetje ushtarake dhe diplomatike edhe një ish-republik sovjetike, Bjellorusisë. Regjimi në këtë shtet për 16 muaj ka shtypur protestat që pasuan zgjedhjet e kontestueshme presidenciale të gushtit të kaluar, të cilat, Alyaksandr Lukashenka pretendon se i ka fituar.

Një krizë në kufirin mes Bjellorusisë dhe anëtarëve të Bashkimit Evropian, Lituanisë, Letonisë dhe Polonisë ka nisur, që prej se Minsku rriti fluturimet direkte nga Lindja e Mesme. BE-ja thotë se Bjellorusia po përdorë si “armë” migrantët nga shtetet e treta./REL

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…