Kërkesa për ekstradimin e të ashtuquajturve terroristë nga Ankaraja Zyrtare ka arritur në Ministrinë e Drejtësisë së Maqedonisë së Veriut. Nga atje njoftojnë se procedura janë hapur ndaj 15 të dyshuarve dhe presin nga organet e drejtësisë në vend të vërtetojnë nëse plotësohet kushtet për ekstradimin e tyre.

Bëhet fjalë për kërkesë të ekstradimit të 15 personave nga Ministria e Drejtësisë së Turqisë, të cilat zyrtarisht i kemi pranuar gjatë vitit të kaluar dhe disa gjatë këtij viti. Ne, si Ministri kemi hapur këtë procedurë, duke e dërguar kërkesën në Gjykatën Themelore Shkup 1, për të vërtetuar plotfuqishme-rinë e akuzës, për të cilët të dyshuarit nga autoritetet turke ngarkohen me Veprën penale Terrorizëm” -u shprehën nga Ministria e Drejtësisë së Maqedonisë

Ministri i brendshëm Oliver Spasovski tha se 13 nga 15 të dyshuarit të cilët i kërkon Ankaraja janë rezidentë në Maqedoninë e Veriut. Përderisa, Prokuroria për Krim të Organizuar dhe Korrupsion nuk zbulon nëse kanë hapur procedurë kërkimi ndaj tyre, nga MPB thonë se janë të gatshëm të zbatojnë urdhrat e autoriteteve të hetuesisë dhe të drejtësisë në vend, por për t’i ndalur personat në fjalë, sipas tyre, do të presin procedurat Institucionale.

Proceset që kanë të bëjnë për ekstradimin e pjesëtarëve të Organizatës ‘FETO’, të cilët gjenden në territorin e Republikës së Maqedonisë së Veriut, i udhëheqë Ministria e Drejtësisë. Informatat e mia thonë se bëhet fjalë për 15 persona, prej të cilëve dy tanimë nuk janë në territorin e shtetit tonë” -theksoi Oliver Spasovski, Ministër i Punëve të Brendshme

Agjencia shtetërore informative e Turqisë “Anadolu”, menjëherë pas hapjes së kësaj çështjeje kishte publikuar listën e strukturës së udhëheqësve të bizneseve në Maqedoninë e Veriut të cilët dyshohen se janë pjesëtar të FETO-s. Në listën figurojnë pronarë të 7 shkollave, por edhe firma për transport, tregti, shëndetësi dhe turizëm.

Lista e të dyshuarve sipas “Anadolu Agency”:

Pronarët e Shkollave të mesme “Yahya Kemal”

Nga Revista javore “Zaman”

Nga Qendra e edukimit dhe kurseve “Sedef”

Nga Agjencia e turizmit “Bashak”

Nga Kompania e transportit “Rainbow”

Nga Rrjeti i marketeve “EVAR”

Nga Shoqata e Biznesmenëve “MIBA”

Nga Organizata “Tuskon”

Nga Fondacioni “Safak”

Dhe nga Fondacioni “Tolerans”

Në Maqedoninë e Veriut çështja e strukturave, të cilat nga autoritetet turke quhen terroristët e Organizatës FETO, u hap tre vjet më parë, pas një përpjekjeje të dështuar të grushtit në Turqi. Pas burgosjes së qindra ushtarakëve dhe burrështetasve në Turqi, filloi përndjekja e strukturave “gyleniste” edhe jashtë shtetit. Kërkesa për kapjen e tyre në Maqedoninë e Veriut, u bë publike nga Ministri turk i mbrojtjes Hulusi Akar, i cili gjatë vizitës në Shkup, kërkoi nga autoritetet vendore sa më shpejtë të ndërmerren masa me qëllim të mos prishjes së raporteve ndërshtetërore.

Leave a Reply

Your email address will not be published. Required fields are marked *

You May Also Like

Muhamedi: Bombat, me rëndësi për rastin “Monstra”, “Lagja e Trimave” dhe “Harun Aliu”

Analisiti Nijazi Muhamedi në një deklaratë për Alsat, tha se bisedat e…

Grupi i Kumanovës ngre në këmbë MPB-në e Maqedonisë së Veriut

Pjesëtarët e “Grupit të Kumanovës” të cilët janë të dënuar për ngjarjet…

Ekskluzive: Paraqiten rezultatet e hetimeve ndërkombëtare për rastin te Liqeni i Smilkovës

Momente të reja janë paraqitur në hetimet e pavarura ku janë kyçur…

Nëna e El Chekës: Më therrën me thikë dhe grisën foton e Almirit (VIDEO)

Para fillimit te protestave kunder BDI-se ne Shkup, ka ndodhur disa incidente…

Afrim Gashi: Do të angazhohemi për rroga më të larta në arsim dhe pushim pranveror për nxënësit

Kryetari i AlternAtivA-s, Afrim Gashi, fushatën parazgjedhore për zgjedhjet e 15 korrikut…