Një zyrtar i lartë ukrainas thotë se trupi i shtetasit britanik, Paul Urey, një vullnetar humanitar që vdiq në korrik në paraburgimin e separatistëve të mbështetur nga Rusia në rajonin e Donjeckut të Ukrainës, tregon shenja torture dhe rrahje të rënda.

Avokati i popullit, Dmytro Lubinets, tha në një postim në Telegram se trupit të Urey, i cili iu dorëzua Ukrainës më 7 shtator, “i mungojnë pjesët e trupit dhe ka prerje të shumta”.

Separatistët pro-rusë në Donjeck kishin thënë se 45-vjeçari vdiq më 10 korrik “për shkak të sëmundjes dhe stresit”.

Lubinets shkroi se fotot nuk lanë “asnjë dyshim” por se “ishte një vdekje e dhunshme”. Ai e quajti atë “një krim lufte që do të jetë provë e mëtejshme në gjyqin e ardhshëm të udhëheqjes politike dhe ushtarake të Rusisë”.

Ai tha se ekspertët e mjekësisë ligjore janë ende duke u përpjekur për të përcaktuar shkakun specifik të vdekjes.

Britaniku u arrestua me bashkë me një tjetër vullnetar britanik, Dylan Healy, në një pikë kontrolli pranë qytetit juglindor të Zaporizhjas në prill dhe u akuzua si mercenar.

Ministri i Jashtëm ukrainas, Dmytro Kuleba, u zotua se Kievi “do të identifikojë autorët e këtij krimi dhe do tu kërkojë llogari”.

Familja e Urey ka akuzuar qeverinë ruse dhe ata që e mbajtën në paraburgim për vrasjen e tij. /REL

Leave a Reply

Your email address will not be published.

You May Also Like

Kosova refuzon ekstradimin e Afrim Ismailoviq, i dënuar në rastin “Monstra”

Gjykata Themelore në Prishtinë ka refuzuar kërkesën e Ministrisë së Drejtësisë të…

Mblidhet në orën 12:00 Komisioni Hetimor, Meta ka afatin e fundit që të paraqitet para deputetëve

Komisioni Hetimor për hetimin e shkeljeve të rënda kushtetuese nga Presidenti Ilir…

Dikur qytet shumë i zhvilluar, sot vetëm rrënoja – si është jetuar në Mariupol para pushtimit rus në Ukrainë?

Pushtimi rus në Ukrainë filloi më 24 shkurt dhe pothuajse çdo ditë…

Kurti javën e ardhshme vizitë zyrtare në Bruksel, do të takohet me zyrtarë të lartë të BE-së

Kryeministri i vendit, Albin Kurti nga mesi i javës së ardhshme do…

Mbi 80 plumba drejt automjetit, ky është 43-vjeçari që u ekzekutua në Butel

Personi i ekzekutuar mbrëmjen e djeshme në Butel të Shkupit është 43-vjeçari…