Departamenti i Drejtësisë së Shteteve të Bashkuara ka ngritur padi ndaj tre programuesve kompjuterikë të Koresë së Veriut lidhur me përpjekjet për të zhvatur dhe vjedhur më shumë se 1.3 miliardë dollarë, si pjesë e një skeme globale kibernetike ku përfshihet edhe hakerimi në vitin 2014 i kompanisë “Sony Pictures Entertainment”.

Një kanadezo-amerikan i cili dyshohet se pastroi disa nga paratë e vjedhura e pranoi fajin. Verikoreanët Park Jin Hyok, Jon Chang Hyok dhe Kim Il akuzohen për komplot kriminal dhe mashtrime bankare.

Dy vjet më parë u ngritën akuza ndaj Park, një programues kompjuterik për sherbimin e zbulimit të Koresë së Veriut, për rolin e tij në hakerimin e kompanisë Sony.

Sulmi kibernetik fshiu të dhënat e korporatës, përvetësoi emaile sensitive të kompanisë mes zyrtarëve të lartë të Hollivudit dhe detyroi kompaninë të ndërtonte të gjithë rrjetin e saj kompjuterik.

Besohet se motivi pas hakerimit të kishte qënë hakmarrja për filmin e vitit 2014 “The Interview”që përqesh udhëheqësin e Koresë së Veriut Kim Jong Un, dhe madje portretizon një komplot për vrasjen e tij.

Departamenti i Drejtësisë tha se të tre planifikuan të vidhinin më shumë se 1.2 miliardë dollarë nga bankat në Vietnam, Meksikë, Maltë dhe vende të tjera. Ata po ashtu vodhën 75 milion dollarë nga një kompani sllovene e valutës dixhitale dhe 11.8 milion dollarë nga një kompani në Nju Jork.

“Shtrirja e veprimtarisë kriminale nga hakerët e Koresë së Veriut ishte e gjerë dhe zgjati për shumë vite, dhe diapazoni i krimeve të tyre është marramendës”, tha në një deklaratë Tracy L. Wilkison, ushtruese e detyrës së prokurorit për Distriktin Qendror të Kalifornisë.“Veprimet e detajuara në aktakuzë janë akte të një shteti kriminal që nuk është ndalur para agjëje për t’u hakmarrë dhe vjedhur para për të mbështetur regjimin.”

Treshja në fjalë besohet të ketë qënë pas sulmit kibernetik të vitit 2017 (WannaCry 2.0) me programe të marrjes peng të sistemeve kompjuterike në 150 vende të botës, ku sistemi britanik i shëndetësisë u godit rëndë. Nuk ka gjasa që të tre korano-veriorët të dalin ndonjëherë në sallën e gjyqit amerikan./VoA/

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…