Tre vite pas tragjedisë në “Llaskarcë”, ende nuk ka përgjegjësi për aksidentin.

Ndonëse kanë kaluar tre muaj që kur gjykata penale i kërkoi Byrosë së Mjekësisë Ligjore superekspertizë, për arsyet e përmbysjes së autobusit të Durmo Toursit, nuk dihet deri ku është kjo ekspertizë.

“Alsat iu drejtua edhe sot Byrosë së Ekspertizës Gjyqësore. Pyetëm se deri ku është procedura për superekspertizën në rastin “Llaskarcë”, por nuk morëm përgjigje zyrtare. Drejtori i këtij institucioni, Valdet Xhaferi, nuk iu përgjigj as telefonatave dhe mesazheve SMS”, raporton gazetari i Alsat, Igor Stefanovski.

Për nesër është caktuar seanca e re për rastin “Llaskarcë”. Edhe kjo do të shtyhet. Ekspertiza e kërkuar nga Byroja nuk ka mbërritur në gjykatë.

“Sapo të dorëzohet, do të nxirret para palëve në procedurë e seancës kryesore, dhe kështu do të përfundojë procedura e dëshmimit për rastin dhe do të caktohet seancë për fjalët përfundimtare”, tha Gjykata Themelore Penale Shkup.

Për superekspertizën po punojnë shtatë ekspertë nga sfera e mekanikës dhe trafikut. Kjo është kërkuar nga Gjykata Penale pas paraqitjes së ekspertizave të ndryshme mjeko-ligjore për aksidentin.

Më 13 shkurt 2019, autobusi i “Durmo Tursit” u rrokullis në magjistralen Shkup – Tetovë. Gjashtëmbëdhjetë pasagjerë vdiqën dhe 37 u lënduan. Në këtë rast gjykohet pronari i “Durmo Toursit”, Durmish Beluli, shoferi i autobusit, si dhe katër punonjës të tjerë të kompanisë dhe Qendrës Teknike të Gostivarit në pronësi të Belulit./Alsat/

Leave a Reply

Your email address will not be published.

You May Also Like

VMRO-DPMNE: Kërkon seancë parlamentare për pyetje të deputetëve

Grupi parlamentar i VMRO-DPMNE-së kërkon seancë urgjente për të bërë pyetje parlamentare,…

Inflacioni në Eurozonë arrin në 3 për qind, niveli më i lartë brenda një dekade

Inflacioni në Eurozonë ka arritur nivelin më të lartë brenda një dekade,…

“Amnesty International”: Sulmet e Izraelit kundër civilëve janë krime lufte

Organizata Ndërkombëtare e Amnistisë (Amnesty International – AI) shprehu “shqetësim të thellë”…

Shqipëri, 1124 raste të reja dhe 14 viktima nga koronavirusi në 24 orët e fundit

Shifrat e rasteve të reja nga koronavirusi mbeten në nivele të larta…

“Gostivari 1997” për BDI-në është dita e “qotekut”!

Sheqerim Ahmeti i njohur si “El Cheka” vazhdon me publikim e  bisedave…