Tridhjetë e tre vjeçarit nga Vevçani, i cili gjashtë vite ka punuar si mjek në Shtëpinë e Shëndetit në Vevçan, pa kryer shkollën e mjekësisë, nuk i është lëshuar certifikatë apo diplomë, thanë për Alsat nga Fakulteti i Mjekësisë në Shtip, ku ka qenë për studime.

“Nuk kemi marrë asnjë kërkesë nga organi kompetent për verifikimin e dokumenteve. Por sipas asaj që kemi kontrolluar, herën e fundit që ka qenë aktiv në fakultetin e mjekësisë në Shtip ka qenë viti 2014-2015, kur ishte maturant. Është regjistruar në vitin 2008-2009. Fakulteti nuk ka lëshuar as diplomë e as certifikatë për studentin në fjalë”, njoftojnë nga Universiteti “Goce Dellçev”, Shtip.

Mësojmë se që nga viti 2016 kur është pranuar në punë ka dorëzuar diplomë origjinale, vërtetimin e dhënies së provimit profesional dhe licencën. Dhe asgjë nuk ishte kontestuar deri para 10 ditësh, kur Oda e mjekëve njoftoi Shtëpinë e Shëndetit se nuk kishte leje pune të lëshuar në atë emër.
Për momentin, as policia dhe as Prokuroria Themelore Publike nuk kanë dhënë detaje rreth rastit. Nga aty kanë dhënë të njëjtën përgjigje si dje.

“Për ngjarjen është njoftuar PTHP Strugë, po kryhen kontrolle dhe po sigurohet dokumentacioni për verifikimin e pretendimeve”, thonë nga Prokuroria Themelore Publike.

Nga SPB Ohër thanë se janë duke marrë masa sipas udhëzimit të prokurorisë dhe pas zbardhjes së rastit do të bëhet kallëzim përkatës. Mjeku-student është suspenduar përkohësisht nga puna, ndërsa drejtori i Shtëpisë së Shëndetit, Jovan Stojkoski, nuk ka dashur të komentojë, derisa siç tha ai, hetimi të përfundojë./Alsat.mk

Leave a Reply

Your email address will not be published. Required fields are marked *

You May Also Like

Rreth 40 marinarë të vrarë pas fundosjes së anijes luftarake Moskva të Rusisë – një nënë sjell rrëfimin e djalit të saj që shërbente aty

Rreth 40 marinarë u vranë, disa janë të zhdukur dhe shumë të…

Si ndodhi vrasja e 49 vjeçarit në Mitrovicë? (VIDEO)

Driton Salihu mbeti i vrarë ndërsa vëllai i tij Jeton Salihu i…

Foreign Policy: Urdhri i ri ekzekutiv i Bidenit paralajmëron ndryshime karshi Serbisë

Trajtimi i Kosovës dhe Serbisë nga SHBA-ja dhe BE-ja është tema të…

Pasuria e shefave të Grupeve Parlamentare të partive politike

Agjencia Kundër Korrupsionit ka filluar publikimin e regjistrave të deklarimit të pasurisë…

Më shumë se 400 të zhdukur në Hostomel, thonë zyrtarët lokalë

Zyrtarët ukrainas thonë se më shumë se 400 njerëz janë raportuar të…