Liderët e LSDM-së, VMRO-DPMNE-së, BDI-së, BESA-s, PDSH-së, Aleancës për Shqiptarët dhe Alternativës sot në orën 13:00, siç paralajmëruan nga Qeveria do të kenë koordinim me kryeministrin Oliver Spasovski liodhur me realizimin e masave qeveritare për përballje me koronavirusin.

Liderët: Zoran Zaev, Hristijan Mickoski, Ali Ahmeti, Bilall Kasami, Menduh Thaçi, Zijadin Sela dhe Afrim Gashi e kanë konfirmuar pjesëmarrjen në takim, ndërsa ata me vete do të kenë edhe një përfaqësues partiak.

Partitë politike deri sot në mesnatë duhet t’i dorëzojnë listat zgjedhore për gjashtë njësi zgjedhore për zgjedhjet e ardhshme të parakohshme parlamentare , të cilat duhet të mbahen më 12 prill, në pajtim me afatin, të cilin e publikoi Komisioni Shtetëror Zgjedhor për aktivitetet në prag të zgjedhjeve.

Nga Qeveria në brifingun për media kanë theksuar se tani askush nuk duhet të përfitojë politikisht.

“Maja e papërgjegjësisë është të bisedoni me ministër të Shëndetësisë dhe për një orë t’i ngritni kallëzim penal se e rrezikon shëndetin e njerëzve, është politikë që duan ta plasojnë. Në këto kushte të kësaj krize, secili i cili do të kalkulojë për politikë, për pikë politike, sensacion dhe çfarëdo tjetër në kurriz të shëndetit të qytetarëve dhe shëndetit të tyre, apo dikush të ndërtojë fatin e tij në fatkeqësinë e tjetrit është i destinuar në dështim”, kanë thënë nga Qeveria.

Për takimin e liderëve të martën konfirmoi edhe lideri i VMRO-DPMNE-së, Hristijan Mickoski.

Ministri i Shëndetësisë, Venko Filipçe dje në konferencë për shtyp duke u përgjigjur në pyetje të gazetarëve, theksoi se nuk mund të thuhet nëse do të mbahen zgjedhjet. Në pajtim me afatet, fushata zgjedhore duhet të fillojë më 23 mars.

Leave a Reply

Your email address will not be published.

You May Also Like

Të paktën, na lini të qetë tani! As vdekja nuk ka lezet me ju…

Profesori Arbër Çeliku, i cili është ndër profesorët e rrallë që ka…

Zjarri tek ndërtesa e SÇE-së vihet nën kontroll

Zjarri që shpërtheu sot në mëngjes në hapësirat e ish Bankës Komerciale…

Mos qëndroni në grupe 4 – 5 persona nëpër mëhalla, policia do ju arrestoj

Ministri i Shëndetësisë së Maqedonisë së Veriut Venko Felipce ka thënë se…

Polici maqedonas kërcënon Arben Taravarin

Arben Taravari, Kryetari i Komunës së Gostivarit dhe Sekretar i Përgjithshëm i…

Sot mban mbledhje kryesia e LSDM-se

LSDM-ja do të mbledhë kryesinë qendrore të partisë duke filluar nga ora…