Policia zhvilloi të premten kërkime në një objekt të kompanisë Fedex në Indianapolis dhe kontrolloi shtëpinë e personit të armatosur që dyshohet se qëlloi duke vrarë me armë zjarri tetë persona dhe plagosur disa të tjerë para se të vriste veten.

Dy zyrtarë të zbatimit të ligjit i thanë agjencisë së lajmeve Associated Press se autori i dyshurar u identifikua si 19-vjeçari Brandon Scott Hole nga Indiana.

Hetuesit kontrolluan një shtëpi në Indianapolis të lidhur me Brandon Scott Hole dhe grumbulluan të prova, përfshirë konfiskimin e kompjuterave e të tjera pajisje elektronike. Zyrtarët folën për AP në kushte anonimiteti.

Policia e Indianapolisit tha më herët se nuk e kishte zbuluar ende motivin e ngjarjes që ndodhi të enjten vonë në mbrëmje në një qendër të FedEx-it pranë aeroportit të Indianapolisit.

Zëvendës shefi i policisë së qytetit tha se personi i armatosur filloi të qëllonte pa dallim mbi njerëzit në parking dhe më pas u fut në ndërtesë, ku vrau veten pak para se aty të hynte policia.

Policia tha se të shtënat zgjatën vetëm disa minuta. Pesë persona u shtruan në spital, sipas autoriteteve. Dy persona të tjerë u trajtuan në vendin e ngjarjes.

Kompania FedEx tha në një deklaratë se po bashkëpunon me autoritetet për të mbledhur më shumë informata.

Presidenti Joe Biden tha se ai ishte informuar mbi ngjarjen dhe e quajti dhunën me armë “një epidemi” ne vend.

Shumë amerikanë po vdesin çdo ditë nga dhuna me armë. Ajo njollos karakterin tonë dhe shpon tejpërtej shpirtin e kombit”, tha Presidenti nëpërmjet një deklarate.

Kryetarja e Dhomës së Përfaqësuesve Nancy Pelosi tha se ishte “tmerruar e me zemër të thyer” për shkak të ngjarjes. Ajo bëri thirrje për veprim të Kongresit për kontrollin e armëve.

Ndërsa lutemi për familjet e gjithë atyre që u prekën nga kjo ngjarje, ne duhet të punojmë urgjentisht për të miratuar ligje për parandalimin e dhunës me armë, për të shpëtuar jetë dhe për të parandaluar vuajtjet“, shkruante ajo tha në një postim në Twitter.

pic.twitter.com/lANKjXgcAL— FedEx (@FedEx) April 16, 2021

Ky ishte sulmi më i fundit në një varg të sulmesh në Shtetet e Bashkuara muajt e fundit. Tetë vetë mbetën të vrarë në një sallon masazhesh në Atlanta të Xhorxhias; 10 vetë gjetën vdekjen në një dyqan ushqimesh në Boulder të Kolorados; katër vetë, ndër ta një djalë 9-vjeçar, humbën jetën kur një individ i armatosur hapi zjarr në një zyrë të shitjes së pasurive të patundshme në Orinxh të Kalifornisë.

Ky është incidenti i tretë me vrasje të shumëfishta këtë vit në Indianapolis. Pesë persona, përfshirë një grua shtatzënë, u qëlluan dhe u vranë në muajin janar, dhe një burrë u akuzua për vrasjen e tre të rriturve dhe një fëmije para se të rrëmbente vajzën e tij gjatë një grindjeje në një shtëpi në muajin mars./VOA/

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…