Katër vjet më parë, kryetarja e Dhomave të Specializuara, Eketarina Trendafilova, kishte folur për periudhën e paraburgimit.

“Ne jemi përgatitur që ta sigurojmë kornizën ligjore që do t’i shërbejë qëllimit të sigurisë së gjithkujt që do të paraqitet para gjykatës dhe proceseve të drejta për të gjithë të akuzuarit. Andaj kemi ardhur në përfundim se paraburgimi nuk mundë të zgjasë më shumë se 1 vit”, kishte thënë Trendafilova.

Duke iu referuar ligjeve të Dhomave të Specializuara, Trendafilova kishte thënë se të dyshuarve nuk mund t’u zgjatet afati i paraburgimit për më shumë se 1 vit. Por tash gjykata speciale në përgjigje për RTK-në, deklaratën e Trendafiloves e arsyeton me rrethanat tjera që ishin në atë kohë.

“Periudha njëvjeçare së cilës i referoheni në Rregullore, ka të bëjë me të dyshuarit dhe jo me personat e akuzuar ndaj të cilëve është konfirmuar aktakuza. Intervista e Presidentes ishte në nëntor 2017, pra më shumë se 4 vjet më parë, përpara se Dhomat e Specializuara të fillonin ndonjë procedurë gjyqësore. Në atë kohë, Presidentja nuk u referohej rrethanave aktuale, ku Dhomat e Specializuara kanë tetë të akuzuar në paraburgim për të cilët janë konfirmuar aktakuzat”, thuhet në përgjigjen e Speciales.

Juristët deklarojnë se pas konfirmimit të aktakuzës dhe kur të dyshuarit janë në paraburgim, procedurat duhet të zhvillohen më shpejt.

“Ditë më parë, mbrojtja e ish-presidentit të Kosovës Hashim Thaçi, i ka kërkuar gjyqtares, shtyrjen e afatit për shqyrtimin e paraburgimit dhe një gjë e tillë i është pranuar mbrojtjes”, thotë Talant Hodaj, avokat. /rtk/

Leave a Reply

Your email address will not be published.

You May Also Like

Asnjë përparim rreth dialogut në takimin dy ditor Kosovë-Serbi në Bruksel

Delegacionet e Serbisë dhe Kosovës në Bruksel në kuadër të dialogut me…

Presidentja e KE: të përshpejtohet procesi i zgjerimit

Presidentja e Komisionit Evropian, Ursula von der Leyen, të hënën, ripërsëriti qëndrimin…

Zbulohet mikrobi që mund të ndalojë malarien

Shkencëtarët kanë zbuluar një mikrob që është në gjendje të mbrojë plotësisht…

ASH:Lajmet e rreme nuk të arsyetojnë, kryeministër

Mos pasja e argumenteve është bërë traditë për “fake news” nga kryeministri…

Zelensky: Askush nuk e di se sa do të zgjasë lufta në Ukrainë

Në adresimin e tij më të fundit përmes një videoje të realizuar,…