Gjatë këtij viti do të dhurohen dy Çmime Nobel për Letërsi për shkak se vitin e kaluar nuk u dha një çmim i tillë. Kjo gjë kishte ndodhur për shkak të një skandali në Akademinë e Suedisë.

Çmimi i vitit të kaluar ishte tërhequr për herë të parë që nga viti 1949 për shkak se bashkëshorti i një anëtareje të jurisë ishte burgosur për sulm seksual. Pas një takimi që u mbajt të hënën, Fondacioni i Nobelit njoftoi se ka ndërmarrë masa për krijim të kushteve që të kthehet besimi në këtë institucion. Për këtë arsye, fituesit e vitit 2018 dhe vitit 2019 do të shpallen në vjeshtë të këtij viti.

Ndryshimi më i madh në këtë ceremoni do të jetë caktimi i pesë anëtarëve të pavarur dhe të jashtëm. Këta anëtarë do ta ndihmojnë Akademinë Suedeze për t’i zgjedhur fituesit e Çmimit Nobel për vitet e ardhshme.

Deri tash nuk është ditur mënyra e saktë e përzgjedhjes së fituesve. Ajo që dihet është se rreth 200 kandidatë shqyrtohen gjatë muajit shkurt, një listë më e shkurtër hartohet në muajin maj, ndërsa pesë kandidatët e fundit përcaktohen gjatë verës.

Dorëheqjet e vitit të kaluar e kishin lënë Akademinë Suedeze me më pak se 12 anëtarë, të cilët janë të nevojshëm për ta përzgjedhur dhe shpallur fituesin e këtij çmimi, shkruan “The Guardian”.

Leave a Reply

Your email address will not be published. Required fields are marked *

You May Also Like

Mbi origjinën ilire të gjuhës shqipe

Kumtesa e mbajtur në vitin 1982 në Beograd nga dr. Idriz Ajeti,…

Shqiptari Fetah Efendiu sipas dokumenteve të UDB-ës jugosllave

Pas vdekjes së Ataullah Hoxhës (dhjetor të vitit 1946), për udhëheqës të…

Mohamed Salmawy: Një film për mbretin shqiptar të Egjiptit, Mohamed Ali

Më shumë se 3 shekuj më parë, një familje nga Zëmblaku i…

Biografi për të famshmin Ali Pashë Tepelena

Nga Aurenc Bebja/ “La Quotidienne” ka botuar, të shtunën e 29 nëntorit…

Përshkrimi i udhëtimit të udhëpërshkruesit të njohur gjerman: Johann Georg von Hahn gjatë vitit 1858, nëpër trevat shqiptare të Leskocit

Serbët e shkruajnë se Hahn, kishte shprehur shumë interesim për ti vizituar…