Prokuroria rajonale nga qyteti bullgar Burgas ka urdhëruar ndalimin prej 72 orëve për shtetasin e Maqedonisë së Veriut dhe një shtetas të Rumanisë, nën dyshimin për organizimin e transportit të paligjshëm të emigrantëve nga Afganistani.
Siç kumtoi Prokuroria, dy shtetasit e huaj akuzohen se në mënyrë të paligjshme u kanë ndihmuar personave me origjinë afgane për të qëndruar dhe transituar nëpër territorin e Bullgarisë.
Shtetasi i Maqedonisë së Veriut dyshohet për organizimin e transportit të paligjshëm të 26 emigrantëve afganë, të cilët janë zbuluar të dielën në fshatin Draganci në komunën Karnobat, në rajonin e Burgasit. Shtetasi rumun, megjithatë akuzohet për transport të paligjshëm të 27 afganëve, të gjetur të hënën në rrugën midis fshatrave Zhitosviat dhe Malina në komunën e njëjtë.
Shtetasit afganë janë transportuar me dy automjete motorike me markën dhe modelin e njëjtë.
