Koordinatori i Këshillit të Sigurisë Kombëtare të SHBA-së për Komunikimet Strategjike, John Kirby i tha CNN të dielën se presidenti rus Vladimir Putin “absolutisht po e përdor ushqimin si armë” në pushtimin e tij në Ukrainë.

Sipas mediave të huaja, përcjell Telegrafi, Kirby tha se administrata e presidentit amerikan Joe Biden dhe vendet partnere po punojnë për të kapërcyer një bllokadë të eksportit që po shkakton një mungesë globale të ushqimit.

“Absolutisht po e përdor ushqimin si armë – dhe ne po punojmë shumë me komunitetin ndërkombëtar dhe OKB-në për të gjetur mënyra për të qenë në gjendje ta nxjerrim atë drithë atje dhe në tregun ku i takon”, tha Kirby për CNN.

Bllokada e eksporteve të Rusisë, pranoi Kirby, “do të ketë një ndikim global”.

“Ne do të ndiejmë një pjesë të kësaj ndoshta edhe këtu (SHBA), kjo është arsyeja pse ne po punojmë kaq shumë në përpjekjen për të gjetur rrugë alternative për të nxjerrë një pjesë të asaj sasie gruri”, tha ai.

Në fillim të kësaj jave, CNN raportoi se lufta e Rusisë në Ukrainë mund të shtyjë deri në 49 milionë njerëz drejt urisë ose kushte të ngjashme me urinë për shkak të ndikimit të saj shkatërrues në furnizimin dhe çmimet globale të ushqimit, sipas vlerësimeve të OKB-së.

Leave a Reply

Your email address will not be published.

You May Also Like

LSDM: VMRO-ja do të mbahet mend si bllokuesja më e madhe për vitin 2019

Nga LSDM njoftojnë se mund të konstatohet se VMRO-ja do të mbahet…

Hill: Deklarata e Lavrov për “Ballkanin e Hapur” ishte sarkastike dhe me vullnet negativ

Ambasadori amerikan në Beograd, Christopher Hill, tha se ndodhet në Ohër për të…

Osmani viziton Panamanë dhe Kosta Rikën

Presidentja e Kosovës Vjosa Osmani, ka udhëtuar për vizitë zyrtare në Panama.…

Dy viktima dhe 5 raste të reja me Covid-19, shërohen 95 pacientë

Në 24 orët e fundit në vendin tonë janë realizuar 249 teste,…

Koreja Veriore po përgatitet për lëshim të raketave dhe satelitëve

Në pamjet e siguruara nga satelitët vërehet se Koreja Veriore është duke…