Gjeopolitika e viteve të fundit ka njohur konflikte të panumërta të Koresë së Veriut me vendet fqinje, nga “kushërinjtë” e Jugut e deri tek Japonia, por shumë më rrallë me Rusinë, një nga vendet e pakta që nuk sulmojnë në mënyrë të drejtpërdrejtë regjimin e Kim Jong Un.

Javët e fundit, në zonën detare mes dy vendeve tensioni po rritet gjithmonë më shumë. Forcat ruse kanë ndalur tre anije koreano-veriore, si dhe 262 pjesëtarë të ekuipazheve, me akuzën e gjuajtjes ilegale. Për të vërtetuar këtë, sasi të mëdha që tejkalojnë 30 mijë kallamarësh janë sekuestruar në anijet koreane, ashtu si dhe pajisje ilegale të gjuetisë së peshkut.

Nuk është një rast i izoluar, madje javën e kaluar përballja midis forcave ruse dhe ekuipazheve koreano-veriore arriti deri në konflikt të armatosur, ku të paktën një koreano-verior ndërroi jetë dhe disa persona mbetën të lënduar.

Gjithsesi, sipas Moskës, episodi nuk do të krijojë krisje në marrëdhëniet dypalëshe. Gjithmonë e më shumë Koreja e Veriut ka ngritur nivelin e agresivitetit në det, duke peshkuar edhe në ujëra që i përkasin vendeve fqinje, për të balancuar sadopak krizën ushqimore që e ka kapitur vendin.

Vetë ekuipazhet arrijnë edhe të përgjigjen me zjarr bllokimit të anijeve nga forcat ruse, nga frika e një bllokimi të anijeve që janë prone shtetërore, për të cilat përgjigjen me jetën e tyre./ a2cnn

Leave a Reply

Your email address will not be published.

You May Also Like

Edita Tahiri: Opozita e ringjallur e Shqipërisë nesër i tregon Vuçiqit se ai vetëm mund të ëndërrojë

Ish-kryenegociatorja e Kosovës në dialgoun me Serbinë, Edita Tahiri, ka reaguar për…

Policia jep detaje për rrahjen e tri vajzave në Prishtinë, arrestohet edhe një person

Është arrestuar edhe një person i përfshirë në rastin e rrahjes së…

Pronarët në Britaninë e Madhe nuk do t’u lejohet të marrin bakshishet

Bakshishet e klientëve do të shkojnë për stafin e bareve dhe restoranteve…

23 vjeçari goditet nga vetura dhe pastaj therret me thikë për vdekje

Një 23 vjeçar nga Prizreni ka ndërruar jetë si pasojë e plagëve…

Gjenevë, fillon forumi i OBSH-së për koronavirusin

Në Gjenevë sot fillon forumin dyditor botëror i Organizatës Botërore të Shëndetësisë,…