Psaki theksoi se këshilltari i sigurisë kombëtare, Jake Sullivan, dje gjatë një telefonate me homologun e tij izraelit “përsëriti shqetësimet në lidhje me dëbimet e mundshme të familjeve palestineze nga shtëpitë e tyre”

Shtëpia e Bardhë ka shprehur “shqetësime serioze” rreth dhunës në Jerusalemin Lindor të pushtuar ndërsa tensionet arritën kulmin pas një sulmi izraelit në xhaminë Al-Aksa.

“Ne vazhdojmë të monitorojmë nga afër dhunën në Izrael. Ne kemi shqetësime serioze në lidhje me situatën, përfshirë konfrontimet e dhunshme që kemi parë gjatë ditëve të fundit”, tha Jen Psaki, zëdhënëse e Shtëpisë së Bardhë.

Psaki theksoi se këshilltari i sigurisë kombëtare, Jake Sullivan, dje gjatë një telefonate me homologun e tij izraelit “përsëriti shqetësimet në lidhje me dëbimet e mundshme të familjeve palestineze nga shtëpitë e tyre”.

“Kjo është diçka që ekipi ynë i sigurisë kombëtare po monitoron nga afër, padyshim, në qeverinë, natyrisht edhe presidenti është i njoftuar dhe po e shikon nga afër gjithashtu”, tha ajo.

Sipas Gjysmëhënës së Kuqe Palestineze, të paktën 305 persona u plagosën sot kur policia izraelite bastisi xhaminë Al-Aksa në Palestinën Lindor të pushtuar dhe sulmoi palestinezët që bënin rojë për të parandaluar sulmet e mundshme nga hebrenjtë ekstremistë.

Që nga java e kaluar tensionet në lagjen Sheikh Jarrah janë rritur pasi kolonët izraelit hynë në lagje pas vendimit të një gjykate izraelite e cila urdhëroi dëbimin e familjeve palestineze.

Palestinezët që protestojnë në solidaritet me banorët e lagjes Sheikh Jarrah janë vënë në shënjestër të forcave izraelite.

Izraeli pushtoi Jerusalemin Lindor gjatë luftës arabo-izraelite në vitin 1967 dhe aneksoi gjithë qytetin në vitin 1980, një veprim që kurrë nuk është njohur nga komuniteti ndërkombëtar.

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…