Administrata Biden akuzon për frenim të konkurrencës dhe inovacionit, kompania: Ofrojmë shërbimin më të mirë
SHBA kundër Google, në një gjyq unik pas 25 vitesh nga përplasja me Microsoft. Kështu antitrust çon në sallën e gjyqit për monopol dhe mbytje të konkurrencës gjigandin teknologjik. Ky është edhe procesi i parë për monopol në epokën moderne të internetit dhe konsiderohet mjaft i rëndësishëm për administratën Biden dhe forcën e saj kundër të mëdhenjve të teknologjisë.
Akuzat e ngritura nga Departamenti i Drejtësisë për shuarje të konkurencës dhe moslejimi i rivalëve teknologjike për të afruar një alternativë, motori i kërkimit mbrohet nën tezën se kontratat janë të gjitha të ligjshme dhe sjellin benefite për konsumatorin, të cilit i ofrohet teknologjia më e mirë nga kjo platformë, dhe se mundësitë e zgjedhjeve në treg ekzistojnë, por në fund është çështje preferencash.
Një fitore e mundshme nga kolosi teknologjik në këtë duel gjyqësor, do të ishte mjaft i rëndësishëm për të gjitha kompanitë e tjera teknologjike, që kanë përfunduar në shenjestrën e antitrustit amerikan.
Gjatë kësaj jave, nisja e këtij procesi, do të pasohet nga një tjetër mbledhje me dyer te mbyllura mbi inteligjencën Artificiale në Kongresin amerikan, ku të pranishëm do të jenë Elon Musk i X/Twitter, Mark Zuckerberg i Meta dhe Sundar Pichai i Google.
