Ministri serb i Punëve të Jashtme, Ivica Daçiq, ka thënë se Serbia vazhdimisht ka bërë përpjekje dhe thirrje që Kosova të mos anëtarësohet në Këshillin e Evropës.

Ai ka thënë se Beogradi akoma do ta vazhdojë këtë lobim.

“Që në ditën e parë të kthimit tim në Ministrinë e Punëve të Jashtme e kam trajtuar pikërisht këtë çështje, sepse edhe kjo është pjesë e presionit të përgjithshëm të ushtruar ndaj Serbisë. Nuk jemi në një pozicion të favorshëm, nuk është sekret, sepse pranimi i anëtarëve të rinj në Këshillin e Evropës nuk kërkon pëlqimin e të gjithëve, por dy të tretat e anëtarëve aktualë”.

“Në anën tjetër, lobimi i Kosovës për të hyrë në këtë organizatë ka vazhduar për një kohë të gjatë, me vite dhe ne kemi bërë një përpjekje të madhe deri më tani që kjo të mos ndodhë. Ne do të vazhdojmë të punojmë në të, me të gjitha si ndaj Këshillit të Evropës ashtu edhe ndaj të gjithë anëtarëve, sepse e dimë shumë mirë se pranimi i Kosovës do të ishte një precedent i rrezikshëm dhe një goditje e rëndë për këtë organizatë. Ne gjithmonë u themi atyre qartë se duke hapur derën për Kosovën, do t’i hapim derën kushedi se cilit territor tjetër separatist mund të kërkojë edhe anëtarësimin në Këshillin e Evropës nesër”, ka thënë Daçiq, shkruan Kosovonline.

Leave a Reply

Your email address will not be published. Required fields are marked *

You May Also Like

Gjermania për vrasjet në Bucha: “Ky krim i tmerrshëm lufte nuk mund të mbetet pa përgjigje”

Liderët botërorë kanë dënuar sot skenat në zonat e lëna pas nga…

Harta/ BE i mbylli hapësirën ajrore, rruga e gjatë që duhet të bëjnë tani avionët rusë

Linjat ajrore ruse po përdorin rrugë të tjera, për të udhëtuar nga…

Ukraina furnizohet me dronë më të avancuar turq

Një numër i dronëve turq Bayraktar TB2 u dorëzuan në Ukrainë të…

Europol shkatërron bandën

Arrestohen 70 persona, lirohen nga tutela 206 të mitur Agjencia e Bashkimit…

Regjistrohen edhe dy viktima

Edhe dy të vdekur nga Virusi Korona. Një 45 vjeçar nga Kumanova…