Presidenti i Serbisë, Aleksandar Vuçiq ka zhvilluar një bisedë telefonike me homologun e tij rus, Vladimir Putin, ku pas kësaj bisede bëri të ditur se Serbia dhe Rusia do të nënshkruajnë një marrëveshje tre vjeçare për furnizim me gazin rus.

Lidhur me këtë gjë ka reaguar shefi i stafit të Presidencës së Kosovës, Blerim Vela, duke pyetur Bashkimin Evropian se deri kur do ta tolerojë këtë sjellje të Serbisë, pasi që kjo e fundit është kandidate për t’iu bashkuar BE-së.

“Putin dhe Vuçiq ranë dakord në një telefonatë sot se Rusia do të vazhdojë furnizimin me gaz natyror për Serbinë dhe dy vendet do të forcojnë partneritetin e tyre. Serbia, një vend kandidat për në BE, në vend që të përafrohet me sanksionet e BE-së thellon bashkëpunimin me Rusinë. Deri kur BE-ja do ta tolerojë këtë?”, ka shkruar Vela në Twitter.

Çmimi i gazit që Serbia do të blejë nga Gazpromi rus aktualisht është tri herë më i ulët sesa çmimi me të cilin e blejnë këtë lëndë shtetet e tjera evropiane, ndërkaq në dimër, ky çmim do të jetë dhjetë deri në 12 herë më i ulët.

Vuçiq tha se çmimi pritet të jetë 340 deri në 350 dollarë për 1,000 metër kubikë të gazit, por “ky nuk është çmimi final sepse do të varet nga sasia që do të dërgohet”.

Ai theksoi se janë pajtuar për çmimin për furnizimin e 2.2 miliardë metër kubikë gaz në vit dhe shteti të Serbisë i duhen edhe 800 milionë metër kubikë për shkak të zhvillimit të industrisë.

Marrëveshja aktuale për furnizimin me gazin rus skadon më 31 maj.

Leave a Reply

Your email address will not be published.

You May Also Like

Haxhiu: Këta që sot shtiren kinse janë kundër fusnotës, kur ajo u instalua s’e thanë asnjë fjalë të vetme

Ministrja e Drejtësisë, Albulena Haxhiu, po thotë se qytetarët e Republikës së…

Topalov: Maqedonia është e varur nga Serbia dhe se çdo lëvizje diktohet nga Beogradi

Profesori bullgar Kiril Topalov thotë se politikanët që do të dorëzojnë kauzën…

Trump: Parashikojmë 60 deri në 65 mijë vdekje nga coronavirusi

Presidenti i Shteteve të Bashkuara, Donald Trump ka deklaruar se beson që…

Erdogan do të bisedojë me Zelenskin dhe Putinin

“Marreveshja është e mundshme, palët me qëndrime të përaferta” Ankaraja po luan…

152 raste të reja me COVID-19 dhe dy viktima në 24 orët e fundit

152 (9%) raste të reja me virus korona kanë rezultuar nga 1630…