Ish-pjesëtari i UÇK-së, Pjetër Shala, u arrestua më 16 mars 2021 nga autoritetet belge dhe u transferua në Hagë më 15 prill 2021, në bazë të një kërkese për bashkëpunim në zbatimin e fletarrestimit dhe urdhrit për transferim lëshuar nga Dhomat e Specializuara të Kosovës.

Siç njofton Specialja, krimet për të cilat akuzohet Shala u kryen përafërsisht midis 17 majit 1999 dhe 5 qershorit 1999, kundër personave që u mbajtën të ndaluar në fabrikën e metalit në Kukës (Shqipëri), që pretendohet se përdorej prej Ushtrisë Çlirimtare të Kosovës.

Në Prizren sot jeton ish-komandanti i Brigadës 128 të UÇK-së, Ruzhdi Saramati.

Ai për RTV Dukagjinin tregon se si UÇK e mori këtë objekt në Kukës e që më pas shërbeu si pikë grumbullimi për ushtarët e rinj.

“Pasi u dha urdhri për mobilizim të përgjithshëm në UÇK, ai objekt shërbeu si pikë grumbulluese e ushtarëve të rinj. Pronarin e objektit e kemi njohur dhe për atë arsye ja kemi kërkuar objektin”, tha ai, përcjell Telegrafi.

Saramati tregon për aktivitetet që kishte kryer UÇK-ja në atë objekt e që i njëjti po përmendet tash nga Gjykata Speciale në aktakuzën ndaj Pjetër Shalës.

“Në atë objekt përgatiteshin ushtarët e rinj. U visheshin me uniforma, informoheshin dhe u armatoseshin. Më pas përcilleshin në ndonjë qendër tjetër stërvitore”.

Mirëpo Prokuroria e Speciales në aktakuzën e  saj pretendon se në këtë objekt janë kryer aktivitete krejtësisht tjera.

Gjykata Speciale i ka konfirmuar një aktakuzë Pjetër Shalës për krime të kryera në këtë objekt.

Mirëpo për Saramatin këto pretendime nuk qëndrojnë dhe ai thotë se të njëjtat I ka thënë edhe para hetuesve të Speciales si dëshmitarë.

Ish-komandanti i UÇK-së thotë se njerëzit paqësorë siç ishin pjesëtarët e UÇK-së nuk mund të bëhen me zor kriminelë./Telegrafi/

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…