Kryeministri i Kosovës, Albin Kurti, dje në vizitë në Amerikë është takuar me Kryeshefen e Korporatës së Sfidave të Mijëvjeçarit (MCC), Alice Albright.

Në një komunikatë të kryeministrisë thuhet se ky takim shënon fillimin e negociatave me MCC-në për një projekt Kompakt energjetik që kap vlerën mbi 200 milionë dollarë dhe parasheh ndërtimin e sistemeve akumuluese të energjisë.

“Albright falënderoi kryeministrin Kurti për punën dhe angazhimin për këtë projekt. Ajo rikonfirmoi mbështetjen e pakursyer të ShBA-së për Republikën e Kosovës përmes MCC-së për zhvillimin ekonomik të vendit dhe përmirësimin e jetës së qytetarëve të saj”, thuhet në komunikatë.

Në këtë takim, bashkë me kryeministrin Kurti ishte edhe ministrja e Ekonomisë, Artane Rizvanolli, ambasadori i Kosovës në Washington, Ilir Dugolli dhe Koordinatori Kombëtar për Zhvillimin e Programit Kompakt me MCC, Lum Mita.

Ndërsa nga përfaqësuesit e MCC-së, pjesë e takimit ishin Jonathan Brooks, zëvendëspresidenti për programet në Evropë, Azi, Paqësor e Amerikë Latine, Thomas Kelly, zëvendëspresident për politika dhe vlerësim, si dhe Paula Garcia Tufro, shefe e stafit të kryeshefes Albright.

Leave a Reply

Your email address will not be published.

You May Also Like

Kurti takon Lajçakun: Të angazhuar për dialog parimor e të balancuar, që në qendër ka njohjen reciproke

Në kuadër të Forumit Ekonomik të Delfit, kryeministri Albin Kurti zhvilloi takim…

Forcat amerikane përgatiten për luftë dimërore

Anëtarët e shërbimit nga Batalioni i parë, Regjimenti i 120-të i Artilerisë…

Rusia e do Kosovën si Bosnja

Ministri i Jashtëm Lavrov kërkon asociacioni e komunave serbe Nga Zagrebi, shefi…

Në fjalimin vjetor, Trump pritet të bëj thirrje për unitet

Në fjalimin e tij vjetor drejtuar kombit, presidenti i SHBA-së, Donald Trump,…

OKB-ja thotë se mbi njëmijë civilë janë vrarë në Ukrainë

Zyra e Organizatës së Kombeve të Bashkuara thotë se ka konfirmuar se…