Demonstratat për lirimin e liderëve separatistë nuk kanë të ndalur në rajonin spanjoll të Katalonjës. Përleshjet me policinë kanë çuar në arrestimin e mbi 130 personave prej ditës së hënë, ndërsa protestuesit janë të vendosur të vijojnë aksionin.

Kryeqyteti i rajonit gjysmë autonom spanjoll të Katalonjës vijon për të pestën ditë radhazi.

Protestat nisën nga një vendim i Gjykatës së Lartë spanjolle për të dënuar 9 liderë katalonas për një referendum për vetëvendosje që u mbajt në vitin 2017 pa miratimin e Spanjës.

Të premten turma e protestuesve të maskuar flakën gurë dhe objekte ndaj policisë speciale, dhe u vunë zjarrin koshave të plehrave në bulevardin e Barcelonës.

Forcat e rendit reaguan me plumba gome, gaz tymues e lotsjellës, dhe makina ujëhedhëse.

Rreth 60 persona mbetën të plagosur në të gjithë rajonin verilindor të Spanjës.

Ministri i brendshëm në detyrë i Spanjës njoftoi se në këto pesë ditë, autoritetet kanë bërë të paktën 130 arrestime ndërsa disa prej demonstruesve më të revoltuar rrezikojnë deri në 6 vite burg.

Gjatë ditës, rreth gjysmë milion qytetarë mbajtën një grevë të përgjithshme duke marshuar paqësisht.

Në duar mbanin fotot e 9 liderëve separatistë të burgosur ndërsa lëshonin njëzëri slogane për lirimin e tyre dhe pavarësimin e rajonit nga Spanja.

Rrugët kryesore u bllokuan për shkak të trafikut ndërsa trenat dhe aeroportet operuan me orare të shkurtuara.

Katalonja ka 7,5 milionë banorë me gjuhën, parlamentin dhe flamurin e tyre, dhe shumica duan të shkëputen politikisht dhe ekonomikisht nga Spanja.

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…