Planet e presidentit turk, Rexhep Tajip Erdogan për ndërtimin e një kanali që çon në Detin e Zi, e kanë shqetësuar Moskën.

Rusët druhen se gjatë një konflikti të mundshëm, kjo do të krijonte një rrugë të re kalimi për luftanijet perëndimore.

Erdogan njoftoi muajin e kaluar se Ankaraja shumë shpejt do të nisë ndërtimin e kanalit të planifikuar të Stambollit, mes Detit të Zi dhe atij të Marmarasë. Shpresat e presidentit turk janë që nisma ambicioze 25 miliardë dollarëshe të përfundojë brenda 2023-shit, vit ky që shënon 100 vjetorin e Turqisë moderne.

Kanali do t’i lejojë anijet të anashkalojnë një pjesë të rrugës mes Bosforit dhe Dardaneleve që duhet ta përshkojnë aktualisht për të lëvizur mes Detit të Zi dhe Mesdheut. Ky zhvillim bëri që në Moskë të bien këmbanat e alarmit, pasi Ankaraja e ka hedhur tashmë idenë se anijet të cilat do të përdorin rrugën e re, nuk do të jenë më subjekt i kufizimeve të konventës së Montreux të vitit 1936.

Rusia nuk përjashton gjasat që ndërtimi i kanalit të Stambolli ta inkurajojë Turqinë të heqë dorë krejtësisht nga marrëveshja më shumë se 80-vjeçare, e kjo sipas zyrtarëve rusë mund t’i hapte rrugën NATO-s apo shteteve të tjera kundërshtare me Moskën që të dërgonin në çdo moment luftanijet e tyre në Detin e Zi, e të kërcënonin në këtë mënyrë, sigurinë e saj kombëtare./Top Channel

Leave a Reply

Your email address will not be published.

You May Also Like

Presidenti i Asamblesë së 75-të të Përgjithshme të OKB-së, Bozkir reagoi ndaj sulmit në Al-Aksa

Presidenti i Asamblesë së 75-të të Përgjithshme të Kombeve të Bashkuara, Volkan…

Kriza në Bosnje, Dodik: Fati i shtetit varet nga Erdogan, Vuçiç dhe Milanoviç

Lideri i serbëve të Bosnje-Hercegovinës Milorad Dodik mirëpriti dialogun për zgjidhjen e…

Çfarë provash të tjera ka Aziri për “Monstrën”?

Në gjykimin e djeshëm të rastit “Monstra”, deklarata që çuditi më së…

“Më mirë për Tetovën: Dy muaj nga tragjedia në spitalin e Tetovës, nuk ka as përgjegjësi penale e as morale

Hamdi Sulemani nga nisma qytetare “Më mirë për Tetovën” në konferencë për…