Prej nesër në vendkalimin kufitar në Tabanoc do të ketë menaxhim të përbashkët të kufirit me Serbinë që do të zvogëlojë kontrollet dhe do ta përshpejtojë lëvizjen e udhëtarëve dhe mallrave. Me këtë koncept, që për herë të parë Maqedonia e vendos me Serbinë, me një ndalesë në kufi pritet që të zvogëlohet dyfish koha e pritjes.

Fillimin e projektit ‘One stop shop’ do ta nisin kryeministri Zoran Zaev dhe kryeministrja e Serbisë, Ana Brnabiq, e cila fillon aktivitetet me vizitë zyrtare në shtet.

Koncepti i kufirit të përbashkët “One stop shop” ka procedura më të thjeshta, që zbatohen në një vendkalim të përbashkët, duke minimizuar numrin e ndalesave ndërsa kontrolli i udhëtarëve dhe mallrave bëhet në një vend.

Për udhëtarët dhe transportuesit që nga Serbia lëvizin drejt Maqedonisë, shërbimi kufitar serb do të kontrollojë në vendkalimin kufitar në Tabanoc, ndërsa kontrolli për ata që udhëtojnë nga Maqedonia drejt Serbisë, shërbimet e Maqedonisë kontrollin do ta kryejnë në vendkalimin kufitar në Preshevë.

Sipas autoriteteve, në ndryshimin e këtij koncepti është e rëndësishme shfrytëzimi i një objekti të përbashkët ku do të kryhen formalitetet kufitare. Krahas lëvizjes së shpejtë të udhëtarëve, mallrave, doganimi i përbashkët, do të mundësojë edhe harmonizim më të lartë të kontrolleve kufitare, si dhe do ta zvogëlojë mundësinë për mashtrime në dogana.

Kontrolli i përbashkët krahas vendkalimin kufitar në Tabanoc, po përgatitet edhe në vendkalimin kufitar hekurudhor në Tabanoc dhe në Qafëthanë drejt Shqipërisë.

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…