Ministria e Punëve të Brendshme, ka mbyllur vendkalimet kufitare të Kosovës me Serbinë, përkatësisht në Bërnjak dhe Jarinë.

Kjo për shkak të bllokimit të rrugëve me barrikada nga qytetarët lokalë serbë në veri.

Njoftimin e ka bërë të ditur edhe Policia e Kosovës, përmes një komunikate për media.

“Policia e Kosovës ka mbyllur kufirin për qarkullim udhëtar dhe për automjete në pikë kalimet kufitare Bernjak dhe Jarinje, për shkak të bllokimit të rrugëve në drejtim të këtyre pikë kalimeve kufitare Jarinje dhe Bernjak”, thuhet në njoftim.

Bllokadat vijnë një ditë para se të hyjnë në fyqi dy vendimet e Qeverisë së Kosovës që kanë të bëjnë më targat dhe dokumentet serbe.

Kryeminsitri Albin Kurtit, ka deklaruar të dielën se nuk do të ketë vend për tension, apo për destabilizim, pasi tha se po bëhet diçka legjitime, diçka legale.

“Nuk ka kurrfarë vendi për tension, nuk ka kurrfarë mundësie për destabilizim sepse po bëhet diçka legjitime, diçka legale. Ata që flasin për dhunë, barrikada, bllokime, destabilizim, tesione flasin për vete, nuk flasin për neve”.

“Ne jemi Republikë demokratike, parlamentare, paqësore dhe besoj që gjithçka do të shkojë qysh është më së miri. Ndërkaq, edhe një herë i ftoj qytetarët e Kosovëss, që kanë targa të kohës së Millosheviqit, që t’i konvertojnë në targa legale me akronimin e vendit tonë, RKS”, tha Kurti.

Dy vendimet e Kosovës 

Nga 1 gushti, qytetarët që kanë makina me targa me akronime të qyteteve të Kosovës – që lëshohen nga Serbia – do të mund të riregjistrojnë makinat e tyre me targat RKS (Republika e Kosovës).

Në pjesën veriore të Kosovës, të banuar me shumicë serbe, llogaritet qarkullojnë 10.000 makina me targa me emra të qyteteve të Kosovës, të tilla si PR (Prishtinë), KM (Mitrovica e Kosovës) e të tjera.

Po ashtu, nga 1 gushti, të gjithë shtetasit e Serbisë, që do të hyjnë në territorin e Kosovës, do të pajisjen me një dokument të përkohshëm të hyrje-daljes, që do të zëvendësojnë dokumentet e identifikimit personal nga Serbia.

Praktikë të njëjtë Serbia aplikon për shtetasit e Kosovës qe 11 vjet.

Leave a Reply

Your email address will not be published.

You May Also Like

Stoltenberg: Të gatshëm të mbrojmë aleatët nga Moska dhe Minsku

NATO është shumë e shqetësuar nga zhvillimet politike në Bjellorusi dhe sekretari…

Rritet numri i të prekurve nga Koronavirusi në vend, 29 në 24 orët e fundit

Është rritur për 29 numri i të prekurve nga koronavirusi duke çuar…

Ruzhin: Me propozimin francez ruhet gjuha maqedonase

Ish-ambasadori Nano Ruzhin në emisionin “Click Plus” në TV21 ka theksuar se…

Shefja e OBSH-së në Kosovë: Pas dy javësh bie numri i të infektuarve, nëse qytetarët vetizolohen

Shefja e Emergjencave në Zyrën e Organizatës Botërore të Shëndetësisë (OBSH0 në…

Vuçiq i lut autoritetet në Kosovë të mos e padisin Serbinë për gjenocid

Presidenti i Serbisë Aleksandar Vuçiq, ka porositur autoritetet në Kosovë duke i…