Policia ka deklaruar se një person i armatosur që vrau tre punonjës dhe një pacient në një spital në Oklahoma kishte në cak kirurgun që kreu operacionin e tij në shpinë.

Sipas BBC, përcjell Telegrafi, mjeku Preston Phillips u vra në sulmin e së mërkurës, sipas zyrtarëve të qytetit Tulsa.

Policia emëroi viktimat e tjera në këtë sulm si mjeken Stephanie Husen, Amanda Green dhe Willaim Love në një konferencë shtypi të enjten.

I dyshuari ka vdekur si pasojë e plagëve të shkaktuara vetë nga arma zjarri.

Ai kishte blerë një pushkë gjysmë automatike të stilit AR15 vetëm disa orë para të shtënave dhe gjithashtu ishte i armatosur me një pistoletë, tha policia.

Shefi i policisë së Tulsa, Wendell Franklin tha se burri “fajësoi mjekun Phillips për dhimbjet e vazhdueshme” pas operacionit që mori në Spitalin St Francis më 19 maj.

Pas lirimit të tij nga spitali, i dyshuari “thirri disa herë gjatë ditëve duke u ankuar për dhimbje dhe duke kërkuar trajtim shtesë”, tha Franklin. Mbetet e paqartë nëse ai ka marrë ndihmë të mëtejshme.

Ai shtoi se një letër e marrë nga skena e krimit e bënte të qartë se i dyshuari “hyri me qëllim për të vrarë Dr. Phillips dhe këdo që e pengonte”.

“Ajo letër na tregoi historinë. Kjo ishte planifikuar”, tha Franklin.

Policia thuhet se mbërriti në ndërtesën mjekësore tre minuta pasi u njoftua për incidentin të mërkurën pasdite – gjë që ata siguruan se numri i të vdekurve nuk ishte më i lartë.

Zyrtarët shtuan se janë raportuar për dhjetë të lënduar të tjerë.

Leave a Reply

Your email address will not be published.

You May Also Like

Shënohet viktima e parë nga koronavirusi në RMV

Ministri i Shëndetësisë në konferencën e sotme për shtyp njoftoi se në…

60 vite pas Gagarin/ Rusia ka mbetur pas në garën hapësinore

Një stacion në hënë! Një mision drejt Afërditës! Një gjeneratë e re…

Inflacioni në Eurozonë arrin në 3 për qind, niveli më i lartë brenda një dekade

Inflacioni në Eurozonë ka arritur nivelin më të lartë brenda një dekade,…

​22 vjet nga rënia e Agim Ramadanit

Sot bëhen 22 vjet nga rënia e luftëtarit dhe heroit Agim Ramadani,…

Vrasja në Gadime të Ulët, dyshohet për të lënduar – arrestohet një person si i dyshuar kryesor

Një person dyshohet se ka vdekur si dhe disa të tjerë janë…