Eurodeputetja Viola Von Cramon, ka reaguar lidhur me veprimet e Serbisë për ta përgjuar opozitën ruse në Beograd dhe dorëzimin e këtij materiali te autoritetet në Kremlin.

Von Cramon me anë të një shkrimi në Twitter, ka thënë se ndihet e shokuar për këtë veprim të Beogradit.

“Jam e shokuar me lajmin e përgjimit të liderëve të opozitës ruse në Beograd dhe dërgimin e këtij materiali te inteligjenca ruse. Serbia duhet të mbrojë të drejtat themelore dhe dinjitetin njerëzor të të gjithë njerëzve brenda territorit të saj”, ka shkruar Von Cramon.

Sipas saj, është vetë Serbia që duhet të tranformohet për t’iu bashkuar Bashkimit Evropian, apo të rreshtohet më tej me Moskën dhe Pekinin.

“Serbia duhet të zgjedhë nëse dëshiron të transformohet me të vërtetë dhe të bashkohet me BE-në, apo të rreshtohet më tej me autokratët nga Moska dhe Pekini. Politika e qëndrimit në dy karrige është e papranueshme”, ka përfunduar ajo.

Kujtojmë se ministri serb i Punëve të Brendshme, Aleksander Vulin gjatë një takimi me sekretarin rus të Sigurisë Kombëtare, Nikolai Patrushev i ka dorëzuar video të takimeve të liderëve të opozitës ruse në Beograd, pas të cilave është arrestuar opozitari dhe aktivisti rus Andrei Pivovarov.

Këto informacione janë siguruar nga Agjencia serbe e Informacionit të Sigurisë (BIA).

Serbia dhe Rusia në fshehtësi kanë formuar një grup të përbashkët pune për të luftuar kundër “revolucioneve me ngjyra”, detyra e të cilit është të shtyp demonstratat dhe organizimet masive të qytetarëve.

Përveç kësaj, një organ i përbashkët i autoriteteve serbe dhe ruse është caktuar që të mbikëqyrë liderët e opozitës, mediat e pavarura dhe organizatat e shoqërisë civile.

Për më tepër këto dy vende, janë duke u munduar aktivisht që protestat qytetare dhe kundërshtimin e ndryshëm opozitar dhe të opinionit publik në vendet e tyre, ta lidhin pa fakte me ndikimin e aktorëve të ndryshëm të huaj, me qëllim të njollosjes së aktiviteteve që kundërshtojnë qeveritë e tyre. /Telegrafi/

Leave a Reply

Your email address will not be published.

You May Also Like

Michael Roth: Askush në Europë nuk mund të jetë pro fantazive për ndryshimin e kufijve

Intervistë e Deutsche Welle-s me Ministrin Gjerman të Shtetit për Europën, Michael…

Han: Tetori vendimtar për Maqedoninë e Veriut

Jeni afër që të bëni hapin e madh në tetor, eurokomesari Han…

Biden do të shkojë në samitin e NATO-s në Spanjë pas takimeve të G7-ës

Presidenti i ShBA-së, Joe Biden, është planifikuar të udhëtojë në Spanjë të…

Gjermania propozon shtyrjen e tubimeve të mëdha

Ministri i Shëndetësisë Jens Spahn u ka propozuar sot organizatorëve të ngjarjeve…

“E ardhmja e fëmijëve dhe shtetit tonë varet nga zgjidhja e çështjes së Kosovës”

E ardhmja e fëmijëve dhe shtetit tonë varet nga mënyra se si…