Kryeministri Edi Rama dhe Kryeministri i Kosovës, Albin Kurti zhvilluan një takim këtë të martë për më shumë se 90 minuta. Dy krerët e qeverive të Shqipërisë dhe Kosovës u takuan në vilën qeveritare 31 në zonën e ish-Bllokut në Tiranë.
Takimi nuk ka qenë i paralajmëruar. Ende nuk ka asnjë informacion se për çfarë është diskutuar mes Ramës dhe Kurtit.
Kurti shoqërohej në këtë takim informal nga ministri i Financave të Kosovës. Në përfundim të takimit mes dy krerëve të qeverive nuk ka patur një njoftim për shtyp.
Ndërkohë nuk janë parë në këtë takim ministra nga Shqipëria.
Siç mësohet nga mediat në Kosovë, Albin Kurti kishte një konferencë për shtyp në Prishtinë gjatë paradites dhe e ndërpreu në mes duke thënë se “duhej të largohej për një takim urgjent”.
