Kryeministri Albin Kurti, ka shtyrë për 48 orë zbatimin e fazës së dytë të vendimit për riregjistrimin e makinave me targa ilegale serbe në RKS – Republika e Kosovës.

Vendimin e ka marrë pas kërkesës së SHBA-së.

Kurti ka falënderuar ambasadorin Hovenier për përkushtimin ndaj procesit të dialogut.

“Unë e pranoj kërkesën e tij për shtyrje prej 48 orë të fillimit të gjoitjes për targa ilegale ‘KM’ (dhe tjera). Jam i lumtur të punoj me SHBA-në dhe BE-në për të gjetur një zgjidhje gjatë dy ditëve të ardhshme”, ka shkruar Kurti në Twitter.

Ambasadori amerikan në Kosovë, Jeffrey Hovenier, ka thënë se Shtetet e Bashkuara i kanë kërkuar Qeverisë së Kosovës shtyrje 48-orëshe të vendimit për shqiptimin e gjobave, për t’i lejuar zyrtarët evropianë dhe ata amerikanë që të angazhohen me Kosovën dhe Serbinë për të gjetur zgjidhje për këtë çështje.

Pas kësaj, Kurti ka thënë se është i gatshëm të punojë me SHBA-në dhe BE-në për të gjetur zgjidhje në dy ditët e ardhshme.

Ndryshe, gjatë takimit të së hënës në Bruksel, Kosova ka propozuar që të pezullojë fazat e mëtutjeshme që kanë të bëjë me targat, në këmbim që Serbia më të mos lëshojë targa ilegale me akronime të qyteteve të Kosovës.

E po ashtu BE-ja të fillojë procesin e bisedimeve për propozimin e fundit të mbështetur nga Gjermania dhe Franca.

Por Bashkimi Evropian e ka hedhur poshtë duke kërkuar që Kosova të mos shqiptojë gjoba për targat ilegale dhe Serbia të mos prodhojë tabela të reja KM.

Propozimi i BE-së është refuzuar nga Kurti, ndërsa është përkrahur nga Vuçiq.

Leave a Reply

Your email address will not be published. Required fields are marked *

You May Also Like

​Krerët e institucioneve: Sakrifica e Jasharajve ka vënë themelet e shtetësisë të Kosovës

Kuvendi i Kosovës ka mbajtur sot seancë solemne me rastin e 24…

Rritet në 70 numri i të vdekurve në SHBA nga tornado

Guvernatori i shtetit amerikan të Kentakit, Andy Beshear, ka thënë se më…

Qeveria kosovare: Kemi rritur sasinë e rezervave shtetërore

Kosova ka rritur sasinë e rezervave të saj shtetërore, tha të shtunën…

Nënshkruhet marrëveshja me MCC-në që i sjell Kosovës 202 milionë dollarë

Në një ceremoni të organizuar nëambientet e Kongresin amerikan, ku morën pjesë…

Pse u takuan me mëngjes Vuçiq dhe shefi i UNMIK-ut?

Presidenti i Serbisë, Aleksandar Vuçiq, u takua mëngjesin e sotëm me shefin…