Bartësja e listës “Guxo” në Lëvizjen Vetëvendosje, Vjosa Osmani, ka reaguar pas vendimit të Gjykatës Supreme, ku Albin Kurtit i është ndaluar kandidimi për kryeministër.

Osmani ka thënë se në historinë e popujve vota ka dy funksione: për ta ndëshkuar një model qeverisës dhe për ta hapur një kapitull të ri politik, transmeton Telegrafi.

“Kthesat politike kërkojnë kurajo dhe guxim. Më 14 shkurt me kurajo dhe guxim, e me vullnetin tuaj, Albin Kurti do të jetë kryeministër”, ka shkruar ajo në Facebook.

Theksojmë se, Gjykata Supreme ka pranuar pesë ankesa nga subjektet politike të ushtruara kundër vendimeve të Panelit Zgjedhor për Ankesa dhe Parashtresa (PZAP), të cilat janë ndarë me short dhe janë shqyrtuar nga kolegjet gjyqësore brenda afateve ligjore.

Në njoftimin për media thuhet se ankesa e ushtruar nga subjekti politik Lëvizja Vetëvendosje, është pranuar pjesërisht e themeltë nga kolegji i Gjykatës Supreme.

“Është ndryshuar pjesërisht vendimi i PZAP-së, Anr.17/2021, dhe vendimi i Komisionit Qendror të Zgjedhjeve (KQZ) Nr.244-2021, lidhur me certifikimin e kandidatëve për deputetë, duke urdhëruar KQZ-në, që kandidatët për deputetë Liburn Aliu dhe Labinotë Demi Murtezi, t’i përfshijë në listën e kandidatëve për deputetë. Ndërkaq, është refuzuar pjesërisht e pabazuar ankesa e LVV-së, duke vërtetuar vendimin e PZAP-së”, thuhet në njoftim.

Ndryshe, zgjedhjet parlamentare do të mbahen më 14 shkurt.

Leave a Reply

Your email address will not be published.

You May Also Like

Albin Kurti prezanton dy projektet e para për Shëndetësi

Kandidati i Lëvizjes Vetëvendosje, Albin Kurti, ka prezantuar dy projektet e para…

MPB lëshon mbi 58 mijë stikersa për targat e automjeteve nga Serbia

Ministria e Punëve të Brendshme njofton se ka lëshuar 58 mijë e…

Shqiptarët e Shkupit të pambrojtur nga shteti, huliganët maqedonas sulmojnë, shqiptarët arrestohen

Përmes rrjeteve sociale dhe reagimeve në media, qytetarë të shumtë janë ankuar…

Skandali i vaksinave, mijëra vetëve u injektohet ujë me kripë!

Mijëra vetë kanë rënë pre e një mashtrimi në Indi ku njerëzve…

Gjykata Europiane ndalon azilkërkuesit e parë nga Britania për në Ruandë

26-vjeçarja shqiptare: Jam viktimë e trafikimit! Kërkoj mbrojtje në Britani, jo në…