Presidentja Vjosa Osmani ka marrë pjesë në ceremoninë hapëse të Forumit të Dohas gjatë vizitës së saj në Katar, ku ka shkuar  me ftesë të Emirit të Katarit.

“E nderuar që mora pjesë në ceremoninë hapëse të edicionit të 20-të të Forumit të Dohas. Në këtë kohë sfiduese për botën, dialogu, diplomacia dhe diversiteti janë më të rëndësishme se kurrë. Pres me padurim të takohem me liderët botërorë dhe të marrë pjesë në diskutimet e këtij forumi”, ka shkruar ajo në Twitter.

Forumi është hapur nga Emiri i Katarit, si dhe ka vazhduar me adresimin virtual nga Presidenti i Ukrainës, Volodymyr Zelenskyy.

Forumi i Dohas 2022 po mbahet nën slloganin “Transformimi për një epokë të re” dhe ka mbledhur liderë botëror, politikëbërës, studiues dhe përfaqësues të shoqërisë civile për të diskutuar hapat përpara pas zhvillimeve të shkaktuara nga pandemia në të gjitha aspektet e jetës dhe zhvillimeve të fundit gjeopolitike, përfshirë luftën në Ukrainë.

Krahas aktiviteteve në Forumin e Dohas, Presidentja Osmani ka takuar bashkatdhetarët tanë që punojnë dhe veprojnë në Katar. Po ashtu, Presidentja ka takuar ambasadorë të shteteve mike të akredituar në Doha, me të cilët ka diskutuar mbi zhvillimet e fundit në Kosovë dhe Evropë. Presidentja ka ritheksuar përkushtimin e Kosovës për të harmonizuar plotësisht përpjekjet tona me aleatët tanë. Në vijim, Presidentja Osmani do të takohet edhe me përfaqësues të shteteve të tjera dhe do të ketë takime bilaterale me udhëheqësit e shtetit të Katarit.

Leave a Reply

Your email address will not be published.

You May Also Like

Rusia tentoi të propagandojë kinse është larguar nga kryeqyteti ukrainas, lajmërohet Zelensky nga Kievi: Jemi të gjithë këtu

Mediat ruse që kontrollohen nga presidenti Vladimir Putin, gjatë tërë ditës kanë…

Mbërrijnë 100 mijë vaksina anticovid, Rama: Një ditë vonesë për shkak të tentativës çmendurake për bllokimin e fushatës së vaksinimit

Kryeministri Edi Rama ka bërë me dije se kanë mbërritur 100 mijë…

Grupi i Kumanoves përmes Facebookut: “Do të qëndrojmë si luana, do të vdesim faqebardhë.”

Direkt nga burgu i Maqedonisë Veriore, Grupi i Kumanovës janë lidhur live…

Kosova shtrëngon masat kundër COVID-19, kthen në kufi dhjetëra qytetarë nga Shqipëria

Nga sot kanë hyrë në fuqi masat e reja shtrënguese për shkak…

Prizren: Arrestohen katër persona, dy nga ta policë dhe dy të tjerë të dyshuar për fajde

Prokuroria Themelore e Prizrenit në bashkëpunim me Inspektoratin e Policisë së Kosovës…