Organizata për Ndalimin e Armëve Kimike (OPCW), në kuadër të Marrëveshjes për Armët Kimike, pezulloi disa të drejta dhe përjashtime, përfshirë të drejtën e votimit të regjimit të Bashar al-Asadit në Siri.

Me një vendim të marrë në mbledhjen e shteteve palë të OPCW-së u pezulluan disa të drejta ndaj Sirisë pasi u përcaktua që forcat e regjimit të Bashar al-Asadit në vend kanë përdorur armë kimike në muajin mars 2017 në Latamne dhe në shkurt 2018 në Saraqib.

Delegacioni i Britanisë në OPCW në një deklaratë nga llogaria në Twitter tha: “Janë pezulluar të drejtat e votës dhe përfshirjes në detyrat e përfaqësimit derisa Siria të përmbushë përgjegjësitë në kuadër të marrëveshjes”.

Projektligji nën udhëheqjen e Francës u mbështet nga 46 vende dhe përfshin pezullimin e së drejtës së votës dhe të drejtave dhe përjashtimeve në OPCW për regjimin e Asadit në Siri.

Në vendim kanë votuar “pro” 87 vende, “kundër” 15 vende dhe 34 të tjera kanë abstenuar.

Delegacionet e Zvicrës, Holandës, Kanadasë, Francës, Britanisë, Çekisë, Estonisë dhe Sllovenisë nga Twitter-i kanë bërë deklarata mbështetëse ndaj vendimit.

Vendimi është sanksioni më i rëndë që OPCW ka marrë deri më tani kundër ndonjë vendi.

Pas vendimit, delegatët e regjimit të Asadit dhe Rusisë akuzuan shtetet perëndimore për “politizimin” e OPCW-së.

Takimi i shteteve palë të OPCW-së, i cili ka filluar sot, do të vazhdojë për tri ditë.

Regjimi i Asadit ka përdorur armë kimike

Në raportin e parë që publikoi në prill të vitit 2020, OPCW deklaroi se 16 persona u plagosën, tokat bujqësore u dëmtuan dhe bagëtitë e popullatës së rajonit ngordhën në sulmin ajror që një avion SU-22 i regjimit sirian kreu më 24 mars 2017 në rajonin Latamne pas ngritjes nga baza ajrore Shayrat.

Në raportin e dytë të publikuar me 12 prill, OPCW theksoi se forcat ajrore të lidhura me regjimin e Asadit kanë përdorur të paktën një bombë cilindër në sulmin ajror që kanë kryer në Saraqib më 4 shkurt 2018.

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…