OBSH korrigjoi sot vlerësimin e saj për kërcënimin e virusit, që u shfaq në Kinë, duke e cilësuar atë “të lartë” në nivel ndërkombëtar dhe jo më të moderuar, duke pranuar se kishte bërë një gabim formulimi në raportet e saj të mëparshme.

OBSH njoftoi më parë se rreziku ishte shumë i lartë në Kinë, i lartë në nivel rajonal dhe i moderuar në nivelin ndërkombëtar.

“Ishte një gabim në formulim dhe ne e korrigjuam atë”, tha një zëdhënëse e organizatës, me seli në Gjenevë, transmeton ATSH.

“Kjo nuk do të thotë absolutisht që ne kemi ndryshuar vlerësimin tonë për rrezikun, por që ky gabim është përfshirë në raportet e situatës”, shtoi ajo.

OBSH ka lëshuar gjashtë raporte të situatës që nga fillimi i krizës.

Kreu i Organizatës Botërore të Shëndetësisë (OBSH) Tedros Adhanom Ghebreyesus mbërriti në Pekin për bisedime mbi shpërthimin e koronavirusit, konfirmoi zyra e OBSH-së në kryeqytetin kinez.

Tedros pritet të takojë përfaqësues të agjencive qeveritare dhe ekspertë të tjerë, të cilët janë të përfshirë në përpjekjet e menaxhimit të krizave.

Agjencia e shëndetit e OKB-së nuk dha informacione nëse Tedros po planifikon të vizitojë qendrën e shpërthimit në qytetin Wuhan.

Vitin e kaluar, drejtori i përgjithshëm i OBSH-së vizitoi disa herë zonat e infektuara nga ebola në Kongo.

Leave a Reply

Your email address will not be published.

You May Also Like

Arrestohet një person në Shkup, kërkohej me fletarrest

Ministria e Punëve të Brendshme ka njoftuar se këtë mëngjes ka arrestuar…

Në kufi Kosovë-Shqipëri vendosen 41 flamuj në nder të 41 dëshmorëve të rënë (VIDEO)

Kryetar i Këshillit për Mbrojtjen e të Drejtave të Luftëtarëve të UÇK-së,…

Konferenca për rastin e Pjetër Shalës, mbrojtja kërkon që provat në mbështetje të aktakuzës t’u vihen në dispozicion

Sot është duke u mbajtur paraqitja e parë e Pjetër Shalës në…

Fluks i madh në Merdar, Policia kërkon nga qytetarët të shfrytëzojnë edhe pikat tjera kufitare

Policia e Kosovës për shkak fluksit të madh në pikë-kalimin kufitar Merdar…

Vrasja e policit në Zllatar ndodhi gjatë një ndeje private – Arrestohen pesë policë dhe kërkohet suspendimi i nëntë tjerëve

Një ngjarje tragjike ka ndodhur mbrëmjen e së premtes në fshatin Zllatar…