Mediat bullgare kanë raportuar se Bregun e Diellit (Sonçev Breg) në Bullgari është vrarë një shtetas i Maqedonisë së Veriut. Duke u bazuar në burime brenda policisë, mediat bullgare raportojnë se personi në fjalë është therur me një mjet të mprehtë.
Të enjten rreth orës 11:00, zyra rajonale e Nesebar ka marrë një mesazh se një trup i një mashkulli me lëndime të dukshme në kokë është gjetur në një zonë pyjore pranë një restoranti në Bregun e Diellit. Pas hetimit policor është konstatuar se trupi i pajetë është i një shtetasi të Maqedonisë, 49-vjeçar i cili më 24 janar ka hyrë në Bullgari përmes pikës kufitare Deve Bair-Gjushevë. Sipas policisë, dyshimet e para janë se autori i vrasjes është një 14-vjeçar nga Nesebar, për të cilin edhe është lëshuar fletarrestim, shkruan 24chasa.bg
