Të dielën e 29 janarit, në Beograd, në ambientet e Bajrakli Xhamisë, u mbajt Kuvendi i rregullt i Rijasetit të Bashkësisë Islame në Serbi, në të cilin merrnin pjesë edhe 10 deputetë nga Meshihati i Bashkësisë Islame të Luginës së Preshevës, në krye me z/Reisin Nexhmedin ef. Saqipi.
Punimet e Kuvendit të këtij institucioni të lartë të Rijasetit të Bashkësisë Islame në Serbi i udhëhoqi kryetari, Muhamed Jusufspahiq, ambasador në Arabinë Saudite, i cili për rend të ditës propozoi gjashtë pika, për të cilat diskutuan deputetët e Meshiatit të Beogradit dhe Meshihatit të BIPBM-së.
Delegatët e Kuvendit të Rijasetit të Bashkësisë Islame në Serbi, njëzëri që z/Reisi Nexhmedin ef. Saqipi, të zgjidhet Reisul-l- Ulema i Rijasetit të Bashkësisë Islame n ë Serbi (sipas Kushtetutës se Rijasetit te BI) deri në zgjedhjet e reja të këtij institucioni të lartë në nivel të Republikës së Serbisë, si dhe u zgjodhën dy komisioni në kuadër të këtij kuvendi. Gjithashtu, Reisit Saqipi iu dhanë autorizime dhe kompetenca në organizimin e Haxhit dhe të Umres në nivel të Rijasetit.
Bëhet e ditur, nga burime të konfirmuara mirë, se Reisi Nexhmedin ef. Saqipi, është i pari shqiptar, që ka arritur të zgjidhet në krye të këtij institucioni më të lartë fetar në Serbi, i cili përfaqëson një komunitet të besimit islam prej 500 mijë myslimanëve, njofton Jetapress.
