Prej orës 9 e 30 minuta deri në orën 11, nesër gjykatat e vendit do të paralizohen. Nëpunësit gjyqësor do t’i lënë vendet e tyre të punës dhe do të dalin në protestë para gjykatave. Sindikata që i përfaqëson të drejtat e nëpunësve gjyqësor nuk pajtohet me vendimin e Këshillit gjyqësor buxhetor, që gjykatësit të marrin rritje të shtesës së rrogës prej 6000 deri 8000 denarë në muaj kurse nëpunësit prej 500 deri në 1500 denarë.

Sindikata e SPOGJ ka propozim të ri se si të formohet paga e administratës. Paga e administratës ta ndjekë rritjen e pagës mesatare, me vlerën e tanishme të përcaktuar të pikëve. Dhe mendoj se nëse e zgjidhim këtë problem do të mund të arrijmë marrëveshje dhe do ta zgjidhim problemin e administratës- tha Peco Grujovski – kryetar i SPOGJ.

Pasi sindikalistët njëherë ia treguan problemet ministrit për administratë, Damjan Mançevskit, mbase para zgjedhjeve ose jo, ai para gazetarëve tha se janë shumë afër marrëveshjes për K-15 (regresin vjetor) në administratën publike.

Javën e ardhshme do të kemi takim në Qeverinë. Unë mendoj se do të gjejmë ndonjë zgjidhje të përbashkët, por të mos prejudikoj, ata luftojnë për të drejtat e tyre, mundësitë në shtet janë ashtu siç janë. Bëjmë përpjekje të dalin në ndihmë në gjithë atë që kërkohet- deklaroi Damjan Mançevski, ministër i Shoqërisë Informatike dhe Administratës.

Revolt në mesin e të punësuarve nën ombrellën e shtetit nuk ka vetëm në sindikatën e SPOGJ-it, shprehet Grujovski. Shumë prej institucioneve dhe ndërmarrjeve shtetërore janë të pakënaqur për rritjen e pabarabartë të pagave në sektorin publik. Ndryshe, edhe para tre vitesh nëpunësit gjyqësor i braktisën vendet e punës dhe u hodhën në grevë. Për shkak të grevës së të punësuarve pagat u janë shkurtuar, ndërsa sindikata prej vitit 2016, deri sot rregullisht kërkon t’u kthehen paratë atyre që e mbështetën grevën.

Leave a Reply

Your email address will not be published. Required fields are marked *

You May Also Like

Muhamedi: Bombat, me rëndësi për rastin “Monstra”, “Lagja e Trimave” dhe “Harun Aliu”

Analisiti Nijazi Muhamedi në një deklaratë për Alsat, tha se bisedat e…

Grupi i Kumanovës ngre në këmbë MPB-në e Maqedonisë së Veriut

Pjesëtarët e “Grupit të Kumanovës” të cilët janë të dënuar për ngjarjet…

Ekskluzive: Paraqiten rezultatet e hetimeve ndërkombëtare për rastin te Liqeni i Smilkovës

Momente të reja janë paraqitur në hetimet e pavarura ku janë kyçur…

Nëna e El Chekës: Më therrën me thikë dhe grisën foton e Almirit (VIDEO)

Para fillimit te protestave kunder BDI-se ne Shkup, ka ndodhur disa incidente…

Afrim Gashi: Do të angazhohemi për rroga më të larta në arsim dhe pushim pranveror për nxënësit

Kryetari i AlternAtivA-s, Afrim Gashi, fushatën parazgjedhore për zgjedhjet e 15 korrikut…