Në mesnatë skadon afati për dorëzimin e listave të kandidatëve për deputetë. Shumë nga partitë tashmë i kanë bërë publikë listat me të cilat do të garojnë në zgjedhjet e 12 prillit. Kandidatët i ka konfirmuar BDI-ja, ndërsa gjatë dy ditëve të kaluara kandidatët e tyre i kanë prezantuar LSDM-ja në koalicion me Besën të njohur si koalicioni “Mundemi”, VMRO DPMNE-ja dhe koalicioni “Ripërtëritja e Maqedonisë” dhe koalicioni ASH-Alternativa. Kandidatët pritet t’i konfirmojë edhe PDSH-ja.

Në njësinë e parë zgjedhore, listës nga VMRO-ja i paraprin ish kandidatja për Presidente, Gordana Siljanovska; listës së koalicionit LSDM-Besa i paraprin shefi i diplomacisë, Nikolla Dimitrov; asaj të BDI-së, ish kreu i Çairit, Izet Mexhiti; ndërsa në krye të listës së koalicionit ASH-Alternativa është sekretari i përgjithshëm i Alternativës, Skender Rexhepi-Zejdi.

Bartësit e listave në njësinë nr.1

  • Gordana Siljanovska, VMRO DPMNE
  • Nikolla Dimitrov, LSDM-Besa
  • Izet Mexhiti, BDI
  • Skender Rexhepi-Zejdi, ASH-Alternativa

Në njësinë e dytë, bartësi i listës së VMRO DPMNE-së, Vllado Misajllovski do të përballet me kryeministrin teknik, Oliver Spasovski si bartës i listës së koalicionit LSDM-Besa; me Arbër Ademin i cili kryeson listën e BDI-së dhe kreun e Alternativës, Afrim Gashi si bartës i listës për koalicionin ASH-Alternativa.

Bartësit e listave në njësinë nr.2

  • Vlado Misajlovski, VMRO DPMNE
  • Oliver Spasovski, LSDM-Besa
  • Arbër Ademi, BDI
  • Afrim Gashi, ASH-Alternativa

Zgjedhjet e 12 prillit në njësinë e tretë sjellin garën mes sekretarit të përgjithshëm të VMRO DPMNE-së, Igor Janushev dhe atij të LSDM-së, Lupço Nikollovski, ish ministrit të ekonomisë nga BDI-ja, Bekim Neziri.

Bartësit e listave në njësinë nr.3

  • Igor Janushev, VMRO DPMNE
  • Lupço Nikollovski, LSDM-Besa
  • Bekim Neziri, BDI

Nënkryetari i VMRO DPMNE-së, Aleksandar Nikollovski është bartësi liste në njësinë numër 4, ndërkohë që listën e koalicionit LSDM-Besa e kryeson lideri i socialdemokratëve, Zoran Zaev, ndërsa atë të BDI-së, pulmologu, Sead Zejneli.

Bartësit e listave në njësinë nr.4

  • Aleksandër Nikollovski, VMRO DPMNE
  • Zoran Zaev, LSDM-Besa
  • Sead Zejneli, BDI

Bartësit e listave të kandidatëve për njësinë e pestë zgjedhore janë: Igor Durllovski për VMRO DPMNE-në; Ministrja e Mbrojtjes, Radmilla Shekerinska për koalicionin LSDM-Besa; kryeparlamentari, Talat Xhaferi për BDI-në; ndërsa ish deputeti, Syrija Rashidi për koalicionin ASH-Alternativa.

Bartësit e listave në njësinë nr.5

  • Igor Durlovski, VMRO DPMNE
  • Radmilla Shekerinska, LSDM-Besa
  • Talat Xhaferi, BDI
  • Syrija Rashidi, ASH-Alternativa

Në njësinë e gjashtë, në krye të listës së VMRO DPMNE-së është Dafina Stojanovska. Në këtë njësi do të ketë përballje të krerëve të partive, edhe atë: kreut të Besës, Bilall Kasami; kreut të BDI-së, Ali Ahmeti; kreut të ASH-së, Ziadin Sela dhe atë të PDSH-së, Menduh Thaçi.

Bartësit e listave në njësinë nr.6

  • Dafina Stojanovska, VMRO DPMNE
  • Ali Ahmeti, BDI
  • Bilall Kasami, LSDM-Besa
  • Ziadin Sela, ASH-Alternativa
  • Menduh Thaçi, PDSH

Në zgjedhjet e parakohshme parlamentare të 12 prillit nuk do të ketë kandidatë të pavarur për deputetë./Alsat/

Leave a Reply

Your email address will not be published. Required fields are marked *

You May Also Like

Muhamedi: Bombat, me rëndësi për rastin “Monstra”, “Lagja e Trimave” dhe “Harun Aliu”

Analisiti Nijazi Muhamedi në një deklaratë për Alsat, tha se bisedat e…

Grupi i Kumanovës ngre në këmbë MPB-në e Maqedonisë së Veriut

Pjesëtarët e “Grupit të Kumanovës” të cilët janë të dënuar për ngjarjet…

Ekskluzive: Paraqiten rezultatet e hetimeve ndërkombëtare për rastin te Liqeni i Smilkovës

Momente të reja janë paraqitur në hetimet e pavarura ku janë kyçur…

Nëna e El Chekës: Më therrën me thikë dhe grisën foton e Almirit (VIDEO)

Para fillimit te protestave kunder BDI-se ne Shkup, ka ndodhur disa incidente…

Afrim Gashi: Do të angazhohemi për rroga më të larta në arsim dhe pushim pranveror për nxënësit

Kryetari i AlternAtivA-s, Afrim Gashi, fushatën parazgjedhore për zgjedhjet e 15 korrikut…