Në garën për kryetar të komunës së Dibrës, në zgjedhjet e parakohshme lokale, më 21 prill do të marrin pjesë dy kandidatë.

Këta janë mjekët e njohur të Dibrës, Hekuran Duka, i cili është kandidat i BDI-së dhe Arben Agolli i Aleancës për Shqiptarë, i mbështetur nga Lëvizja “Besa”.

Dr. Hekuran Duka është i lindur në Dibër, i martuar, baba i tre fëmijëve. Arsimin e mesëm e ka përfunduar në vendlindje, ka diplomuat në Fakultetin e Mjekësisë në Shkup, ku ka përfunduar specializim për urologji. Është i punësuar në Spitalin e përgjithshëm në Dibër nga viti 1994.

Ai është ushtrues aktual i detyrës kryetar. Në zgjedhjet e fundit lokale, në vitin 2017 ishte pjesë e listës së kandidatëve të BDI-së dhe është zgjedhur për këshilltar në Këshillin e komunës.

Dr. Arben Agolli ka lindur në Dibër në vitin 1959, i martuar, baba i dy fëmijëve. Arsimin e mesëm e ka kaluar në Dibër, ka diplomuar në Fakultetin e Mjekësisë në Prishtinë, ndërsa ka specializuar për pediatri në Shkup. Në profesion ka 34 vjet stazh, 20 prej të cilave si pediatër. Nga viti 2004 punon si pediatër amë.

Ai ishte kandidat i Aleancës për shqiptarët dhe në zgjedhjet në vitin 2017, kur me diferencë të vogël në vota, në rrethin e dytë u zgjodh Ruzhdi Lata, që ishte mandati i tij i dytë.

Në zgjedhjet me kandidatë të tyre vendosën që të mos marrin pjesë LSDM dhe VMRO-DPMNE, prej ku konfirmojnë se ende nuk kanë qëndrim se cilin kandidat do ta mbështesin.

Zgjedhjet për kryetar komune të Dibrës organizohen për shkak të vdekjes së kryetarit paraprak, Ruzhdi Lata, i cili në moshën 65-vjeçare, ndërroi jetë në fund të nëntorit të vitit të kaluar, pas një sëmundje të shkurtër dhe të rëndë.

Leave a Reply

Your email address will not be published. Required fields are marked *

You May Also Like

Muhamedi: Bombat, me rëndësi për rastin “Monstra”, “Lagja e Trimave” dhe “Harun Aliu”

Analisiti Nijazi Muhamedi në një deklaratë për Alsat, tha se bisedat e…

Grupi i Kumanovës ngre në këmbë MPB-në e Maqedonisë së Veriut

Pjesëtarët e “Grupit të Kumanovës” të cilët janë të dënuar për ngjarjet…

Ekskluzive: Paraqiten rezultatet e hetimeve ndërkombëtare për rastin te Liqeni i Smilkovës

Momente të reja janë paraqitur në hetimet e pavarura ku janë kyçur…

Nëna e El Chekës: Më therrën me thikë dhe grisën foton e Almirit (VIDEO)

Para fillimit te protestave kunder BDI-se ne Shkup, ka ndodhur disa incidente…

Afrim Gashi: Do të angazhohemi për rroga më të larta në arsim dhe pushim pranveror për nxënësit

Kryetari i AlternAtivA-s, Afrim Gashi, fushatën parazgjedhore për zgjedhjet e 15 korrikut…