Kryeministri grek, Kyriakos Mitsotakis, është duke u përballur me akuza të reja pas zbulimeve nga kreu i partisë opozitare PASOK se telefoni i tij ishte përgjuar nga shërbimi i inteligjencës greke derisa ai ishte anëtar i Parlamentit Evropian në shtator të vitit 2021.

Në një përpjekje për të kufizuar dëmin politik të shkaktuar nga akuzat, Mitsotakis tha të hënën në një fjalim televiziv drejtuar kombit grek se megjithëse operacioni i vëzhgimit ishte i ligjshëm dhe “gjithçka u bë në përputhje me ligjin, ishte e gabuar. Nuk e dija për këtë dhe nuk do ta lejoja kurrë”.

“Shërbimi grek i inteligjencës nënvlerësoi dimensionin politik të këtij veprimi”, tha gjithashtu Mitsotakis, duke shtuar se “kjo nuk duhet të kishte ndodhur kurrë”.

Skandali shpërtheu për herë të parë javën e kaluar kur Nikos Androulakis zbuloi se ishte informuar nga Parlamenti Evropian se kishte pasur një përpjekje për të instaluar në celularin e tij softuer përgjimi, shkruan CNN.

Më pas ai paraqiti një ankesë në Gjykatën e Lartë të Greqisë për “tentativë” për spiunim në telefonin e tij celular.

Hetimi i mëtejshëm tregoi se përveç tentativës për hakimin, siç konfirmoi kryeministri grek, telefoni ishte përgjuar nga Shërbimi Informativ Kombëtar i Greqisë (EYP) gjatë një periudhe tre mujore në vitin 2021.

Kryeministri grek Kyriakos Mitsotakis tha se nuk dinte për përgjimin e telefonit.

“Unë kurrë nuk prisja që qeveria greke do të më spiunonte duke përdorur praktikat më të errëta,” tha Androulakis në një fjalim televiziv të premten.

Kreu i EYP dha dorëheqjen të premten “pas veprimeve të gabuara të gjetura gjatë procedurave të ligjshme të përgjimeve”, sipas një deklarate nga zyra e Mitsotakis dërguar CNN.

Androulakis u zgjodh si kreu i partisë së tretë më të madhe në parlamentin grek, PASOK, në dhjetor 2021.

Ai i ka kërkuar parlamentit grek të krijojë një komitet hetimor për të shqyrtuar përgjegjësitë e mundshme politike.

Leave a Reply

Your email address will not be published.

You May Also Like

Zyrtarët hoqën provat thelbësore mbi shpërthimin e coronavirusit, ata dezinfektuan zonën para se ajo të inspektohej

Zyrtarët në Wuhan hoqën provat thelbësore nga tregu i ushqimeve të detit…

Begaj nesër viziton Kosovën, policia del me njoftim

Presidenti i Shqipërisë Bajram Begaj nesër do ta vizitojë Kosovën, së bashku…

Largimi i gjuhës shqipe në QIK, Sela: Drejtori të dënohet nga inspektorati

Kreu i Aleancës për Shqiptarët, Ziadin Sela komentoi heqjen e gjuhës shqipe…

Macronit i dërgohet letër nga BE për liberalizimin e vizave për Kosovën

Macronit i dërgohet letër nga BE për liberalizimin e vizave për Kosovën…

Djegia e dy kamionëve në Zubin Potok, policia jep detaje

Gjatë ditës së shtunë në fshatin Zupçe të Zubin Potokut, u raportua…